25798 ۔۔۔ قتادہ (رض) کہتے ہیں کہ جب چھینکنے والے کو لگا تار چھینک آنے لگیں تو تین مرتبہ چھینکنے پر اسے جواب دیا جائے ۔ (رواہ عبدالرزاق وٍالبیہقی فی شعب الایمان، ومالک)

25799 ۔۔۔ عبداللہ بن ابی بکر بن محمد بن عمرو بن حزم روایت کی ہے کہ کہ نبی کریم (صلی اللہ علیہ وآلہ وسلم) نے فرمایا اگر کوئی چھینکے اسے ” یرحمک اللہ “ سے جواب دو ، وہ پھر چھینکے اسے جواب دو وہ اگر پھر چھینکے اسے جواب دو وہ اگر پھر چھینکے اسے جواب دو وہ اگر پھر چھینے اسے جواب دو ، وہ اگر پھر چھینکے تو کہو : تو زکام زدہ ہے۔ عبداللہ بن ابی بکر کہتے ہیں مجھے معلوم نہیں یہ بات تیسری بار کے بعد کہنا ہے یا چوتھی بار کے بعد ۔ (رواہ ٍالبیہقی فی شعب الایمان)

25800 ۔۔۔ سیدنا حضرت علی المرتضی (رض) کہتے ہیں جس شخص نے ہر چھینک پر جو اس نے سنی : ” الحمد للہ رب العالمین علی کل حال “۔ کہا ۔ وہ ڈاڑھ کا درد اور کان کا درد کبھی محسوس نہیں کرے گا ۔ (رواہ ابن ابی شیبۃ والنجار کافی الادب المفرد وابن اسنی وابو نعیم فی الطب) ۔ کلام : ۔۔۔ حدیث ضعیف ہے دیکھئے الفوائد المجموعہ 667 ۔

25801 ۔۔۔ حضرت انس بن مالک (رض) روایت کی ہے کہ سیدنا حضرت عثمان ذوالنورین (رض) نے نبی کریم (صلی اللہ علیہ وآلہ وسلم) کے پاس چھینک ماری نبی کریم (صلی اللہ علیہ وآلہ وسلم) نے فرمایا : کیا تمہیں بشارت نہ دوں ۔ عرض کیا جی ہاں میرے ماں باپ آپ پر فدا جائیں ۔ فرمایا : یہ جبرائیل امین (علیہ السلام) ہیں انھوں نے مجھے اللہ تعالیٰ سے خبر دی ہے کہ جو شخص لگا تار تین مرتبہ چھینکتا ہے الا یہ کہ ایمان اس کے دل میں رچ بس جاتا ہے۔ (رواہ الدیلمی) ۔ کلام ـ: ۔۔۔ حدیث ضعیف ہے دیکھئے التنزیہ 3092 ۔

25802 ۔۔۔ حضرت انس بن مالک (رض) روایت کی ہے کہ جب انسان کو چھینک آئے اسے چاہیے کہ کہے : ” الحمد للہ “ جب اس سے ” یرحمک اللہ “ کہا جائے تو وہ کہے : ” یغفر اللہ لک “۔ (رواہ ابن جریر)