٤٢٩٣٤۔۔ سعید اموی سے روایت ہے فرمایا میں ابوامامہ کے پاس حاضر تھا جب وہ نزع کی حالت میں تھے مجھ سے فرمایا، سعید جب میں فوت ہوجاؤں تو میرے ساتھ وہی معاملات کرنا جیسا ہمیں رسول اللہ نے حکم دیا ہے ہم سے رسول اللہ نے فرمایا جب تمہارا کوئی بھائی فوت ہو جائے اور تم اس پر مٹی ڈال چکو تو تم میں سے ایک شخص اس کے سرہانے کھڑے ہو کرک ہے، اے فلاں، فلانی کے بیٹے کیونکہ وہ سن رہا ہوتا ہے لیکن جواب نہیں دے سکتا، پھر وہ کہے اے فلاں فلانی کے بیٹے تو وہ سیدھا بیٹھ جائے گا، پھر کہے، اے فلاں فلانی کے بیٹے تو وہ کہے گا اللہ تجھ پر رحم کرے ہماری راہنمائی کر۔ پھر وہ کہے تو اس چیز یعنی لاالہ الا اللہ وان محمد عبدہ ورسولہ، کی گواہی دیاکروجس پر تودنی اسے نکلا، اور یہ کہ تو اللہ تعالیٰ کے رب ہونے پر، محمد کے نبی ہونے ، اسلام کے دین ہونے اور قرآن کے رہنما ہونے پر راضی تھا، جب وہ ایسا کرلے گا، تومنکرنکیر ایک دوسرے کا ہاتھ پکڑ کر کہیں گے ہمیں یہاں سے لے چکو، اس کے پاس ہمارا کیا کام، اسے تو اس کی حجت بتادی گئی پس اللہ تعالیٰ ان دونوں کے سامنے اسے حجت تلقین کرنے والاہوگا۔ کسی شخص نے عرض کیا یارسول اللہ اگر میں اس کی ماں کو نہیں جانتا ؟ آپ نے فرمایا اے حضرت حوا کی طرف منسوب کردو۔ رواہ ابن عساکر۔

٤٢٩٣٥۔۔ حضرت میمونہ نبی کی کنیز سے روایت ہے کہ نبی نے ان سے فرمایا اے میمونہ ، قبر کے عذاب سے اللہ کی پناہ مانگا کر انھوں نے عرض کیا یارسول اللہ کیا قبر کا عذاب برحق ہے ؟ آپ نے فرمایا ہاں غیبت اور پیشاب کی چھینٹوں کی لاپرواہی سخت عذاب قبر کا باعث ہے۔ بیہقی، فی العذاب القبر۔

٤٢٩٣٦۔۔ ام خالد، بنت خالد بن سعید، سے روایت ہے کہ انھوں نے نبی سے یہ حدیث سنی کہ آپ وضو کرتے وقت قبر کے عذاب سے پناہ مانگ رہے تھے۔ ابن ابی شیبہ، وابن نجار۔

٤٢٩٣٧۔۔ مسندام مبشر) ام مبشر سے روایت ہے کہ انھوں نے فرمایا میں ایک دفعہ بنی نجار کے کسی باغ میں جس میں ان لوگوں کی قبریں تھیں جو زمانہ جاہلیت میں مرچکے تھے آپ میرے پاس وہاں تشریف لائے آپ وہاں سے یہ کہتے ہوئے نکلے ، عذاب قبر سے اللہ تعالیٰ کی پناہ طلب کرو میں نے عرض کیا، یارسول اللہ کیا قبر کا عذاب ہوتا ہے ؟ آپ نے فرمایا انھیں قبروں میں ایسا عذاب ہورہا ہے جس کو جانور سن رہے ہیں۔ ابن ابی شیبہ، بیہقی فی کتاب عذاب القبر۔

٤٢٩٣٨۔۔ ابراہیم نخعی سے روایت ہے کہ دو شخصوں کو ان کی قبروں میں عذاب ہورہا ہے تھا ان کے پڑوسیوں نے اس بات کی شکایت رسول اللہ سے کی آپ نے فرمایا کھجور کی دوترشاخوں کو ان کی قبروں پر لگادو اور جب تک خشک نہیں ہوں گی ان سے عذاب کم کردیا جائے گا کسی نے پوچھا انھیں کس وجہ سے عذاب ہورہا ہے ؟ آپ نے فرمایا چغل خوری اور پیشاب کی وجہ سے۔ بیہقی فی عذاب القبر۔

٤٢٩٣٩۔۔ حسن سے روایت ہے کہ رسول اللہ نے ایک چتکبرے خچر پر سوار تھے جو بدک گیا آپ نے فرمایا یہ بدکاتو ہے لیکن کسی بڑے حادثہ کی وجہ سے نہیں بدکا، اس کے بدکنے کا سبب یہ ہے کہ ایک شخص کو قبر میں چغل خوری کی وجہ سے ماراجارہا ہے اور دوسرے کو غیبت کی وجہ سے عذاب ہورہا ہے۔ بیہقی فی عذاب القبر۔

٤٢٩٤٠۔۔ (مسندانس) رسول اللہ کی صاحبزادی حضرت زینب کا انتقال ہوا، جب آپ گھرنکلے) ہم بھی آپ کے ساتھ ہولیے اور ہماری عادت تھی ہم لوگ جب بھی آپ کو زیادہ غم گین دیکھتے ہم کوئی بات نہ کرتے چلتے چلتے ہم لوگ قبر پر پہنچ گئے ابھی تک لحد تیار نہیں ہوئی تھی آپ بیٹھ گئے ہم بھی آپ کے اردگرد بیٹھ گئے آپ نرم نرم سانس لینے لگے پھر آسمان کی طرف نظردوڑائی اس کے بعد قبر کی کھدائی مکمل ہوگئی آپ قبر میں اترے میں نے دیکھا کہ آپ کا غم بڑھ گیا دفنانے سے فارغ ہونے کے بعد آپ باہر تشریف لائے میں نے دیکھا آپ کی وہ کیفیت نہ رہی بلکہ آپ مسکرا رہے تھے ہم نے عرض کیا یارسول اللہ جب بھی آپ کو غم گین دیکھتے آپ سے بات نہیں کرسکتے، پھر ہم نے آپ کی یہ کیفیت نہیں دیکھی ایساکیوں ہوا ؟ آپ نے فرمایا مجھے اس جگہ قبر کی تنگی وتاری کی اور زینب کی ضعف حالی یاد آگئی تو مجھ پر گراں گزرا میں نے اللہ سے اس کے لیے تخفیف کی دعا کی تو اللہ دعاقبول کرلی، اور قبر نے اسے ایک دفعہ بھینچا جس کی آواز دونوں جانبوں کے تمام جانوروں نے انسانوں وجنوں کے علاوہ سنی۔ طبرانی فی الکبیر۔

٤٢٩٤١۔۔ اسی طرح قتادہ حضرت انس (رض) سے روایت کرتے ہیں کہ نبی نے فرمایا اگر یہ خدشہ نہ ہوتا کہ تم لوگ مردوں کو دفن کرنا نہ چھوڑ دو تو میں اللہ تعالیٰ سے دعا کرتا وہ تمہیں عذاب قبر سناتے۔ بیہقی فی کتاب عذاب القبر۔

٤٢٩٤٢۔۔ اسی طرح حمید طویل حضرت انس سے روایت کرتے ہیں کہ رسول اللہ نے ایک قبر سے آواز سنی تو فرمایا یہ شخص کب فوت ہوا ؟ لوگوں نے عرض کیا جاہلیت میں تو گویا آپ اس بات سے خوش ہوئے پھر فرمایا اگر تم مردوں کو دفن کرنا نہ چھوڑ دیتے یا جیسا فرمایا تو میں اللہ سے دعا کرتا وہ تمہیں عذاب قبر سناتے۔ بیہقی فیہ۔

٤٢٩٤٣۔۔ اسی طرح) قام رحال سے روایت ہے کہ حضرت انس نے فرمایا کہ رسول اللہ بنی نجار کے ایک ویرانے میں داخل ہوئے شاید قضا حاجت کے لیے گئے تھے جب باہر آئے تو آپ خوفزدہ تھے پھر فرمایا (اگر یہ ڈرنہ ہوتا) کہ تم مردوں کو دفن نہیں کرو گے تو میں اللہ تعالی سے دعا کرتا کہ جو عذاب قبر وہ مجھے سنوا رہے ہیں تمہیں بھی سناتے۔ بیہقی فیہ وقال ۔ اسنادہ صحیح وھو شاھد لماقبلہ۔

٤٢٩٤٤۔۔ اسی طرح) عبدالعزیز بن صہیب حضرت انس (رض) سے روایت کرتے ہیں فرمایا ایک دفعہ رسول اللہ ہمارے خاندان بنی طلحۃ کے کسی نخلستان میں قضائے حاجت کے لیے تشریف لے گئے اور بلال آپ کے پیچھے اللہ کے نبی کا اکرام کرتے ہوئے ایک جانب چل دیے پھر آپ ایک قبر سے گزرے آپ وہاں کھڑے ہوئے یہاں تک کہ بلا بھی آپ تک پہنچ گئے آپ نے فرمایا بلال تمہارا بھلا ہو کیا تم وہ آواز سن رہے ہو جو میں سن رہاہوں ، بلال (رض) نے عرض کیا، اللہ کی قسم یارسول اللہ نہیں سن رہا، فرمایا قبروالے کو عذاب ہورہا ہے پھر اس شخص کے بارے میں پوچھا گیا توپتہ چلا وہ یہودی تھا۔ بیہقی فی عذاب القبر۔

٤٢٩٤٥۔۔ (اسی طرح ) بلال بن علی بن ابی میمونہ حضرت انس (رض) سے روایت کرتے ہیں ایک دفعہ رسول اللہ اور بلال (رض) بقیع میں چل رہے تھے تو رسول اللہ نے فرمایا بلال کیا جو میں سن رہاہوں تمہیں سنائی دے رہا ہے ؟ انھوں نے عرض کیا یارسول اللہ اللہ کی قسم نہیں آپ نے فرمایا کیا تمہیں سنائی نہیں دیتا کہ قبروالوں کو عذاب ہورہا ہے۔ بیہقی فیہ ، واسنادہ ایضا شاھد لماتقدم۔

٤٢٩٤٦۔۔ حضرت عمر (رض) سے روایت ہے فرماتے ہیں کہ مجھے رسول اللہ نے فرمایا عمر، تمہارا اس وقت کیا حال ہوگا جب تم چار ہاتھ زمین کے دوہاتھ حصے میں ہوگے اور منکر ونکیر (فرشتوں) کو دیکھو گے میں نے عرض کیا یارسول اللہ منکرنکیر کون ہیں ؟ فرمایا قبر کے دوفتنے جو قبر کو اپنی کچیلیوں سے کھود ڈالیں گے اور اپنی آواز میں دہرا رہے ہوں گے ان کی آوازیں گرج دار بادل کی طرح ہوں گی اور ان کی آنکھیں اچک لے جانے والی بجلی کی طرح ہوگی آپ کے ہاتھ میں ایک لاٹھی تھی جسے آپ حرکت دے رہے تھے وہ دونوں تم سے باز پرس کریں گے اگر تم نے لاعلمی اور سستی کا مظاہرہ کیا تو وہ تمہیں ایک ضرب لگائیں گے جس سے تم راکھ جیسے ہوجاؤ گے میں نے عرض کیا یارسول اللہ کیا اسی حال میں ہوں گا ؟ آپ نے فرمایا ہاں عرض کیا پھر ان دونوں کے لیے کافی ہوں۔ ابن ابی داؤد، فی البعث ، ورسۃ فی الایمان وابوالشیخ فیا لسنہ، والحاکم، فی الکنی، وابن فنجویہ فی کتاب الوجل، حاکم فی تاریخہ، بیہقی فی کتاب عذاب القبر، والاصبھانی فی الحجہ۔

٤٢٩٤٧۔۔ حذیفہ بن یمان سے فرمایا روح فرشتہ کے پاس ہوتی ہے اور جسم الٹاپلٹاجاتا ہے جب لوگ جسم کو اٹھالیتے ہیں تو وہ فرشتہ ان کے پیچھے ہولیتا ہے اور جب اسے قبر میں رکھ دیتے ہیں روح کو اس میں بکھیر دیتا ہے۔ بیہقی فی کتاب عذاب القبر۔

٤٢٩٤٨۔۔ ابوایوب سے روایت ہے کہ رسول اللہ مغرب کے بعد نکلے آپ نے ایک آواز سنی فرمایا یہودیوں کو ان کی قبروں میں عذاب ہورہا ہے۔ ابوداؤد، طیالسی ، ابونعیم۔

٤٢٩٤٩۔۔ ابورافع سے روایت ہے فرمایا کہ ایک دفعہ نبی بقیع غرقد میں چل رہے تھے میں آپ کے پیچھے چل رہا تھا تو رسول اللہ نے فرمایا نہ تو نے ہدایت پائی اور نہ تیری رہنمائی کی گئی تین بار فرمایا، میں نے عرض کیا مجھے فرمایا تمہیں نہیں کہہ رہا، میری مراد قبر والے سی ہے اس ے میرے بارے میں پوچھا گیا تو اس نے گمان کیا کہ وہ مجھے نہیں جانتاتو وہ ایسی قبر تھی جس میں میت دفن کرنے کے بعد اس پر پانی چھڑکا گیا تھا۔ طبرانی فی الکبیر ، ابونعیم، بیہقی فی کتاب عذاب القبر۔

٤٢٩٥٠۔۔ حضرت ابوہریرہ سے روایت ہے کہ فرمایا کہ رسول اللہ ایک قبر کے قریب سے گزرے توٹھہر گئے فرمایا میرے پاس توہری شاخیں لاؤ چنانچہ لوگ لے آئے تو ایک آپ نے اس کی پائنتی کی جانب اور ایک اس کے سرہانے لگادی پھر فرمایا اس شخص کو عذاب قبرہورہا تھا کسی نے عرض کیا ان کا اللہ کے نبی اسے کیا فائدہ ہوگا ؟ آپ نے فرمایا جب تک ان میں نمی رہے گی اس کے عذاب میں تخفیف ہوتی رہے گی۔ رواہ ابن جریر۔

٤٢٩٥١۔۔ ابوالحسنا حضرت ابوہریرہ سے روایت کرتے ہیں آپ رسول اللہ سے روایت کرتے ہیں آپ دوقبروں کے پاس سے گزرے تو آپ نے ایک شاخ یاٹہنی لی اور اسے درمیان سے توڑ کر ایک قبرپر ایک اور دوسری قبرپردوسری لگادی کسی نے پوچھا تو آپ نے فرمایا ایک شخص توپیشاب کے چھینٹوں سے نہیں بچتا تھا اور دوسری قبر والی عورت تھی جو لوگوں کے درمیان چغل خوری کیا کرتی تھی تو ان دونوں شاخوں کی وجہ سے قیامت تک ان دونوں کے عذاب میں تخفیف ہوجائے گی۔ بیہقی فی کتاب عذاب القبر۔

٤٢٩٥٢۔۔ ابوحازم حضرت ابوہریرہ سے روایت کرتے ہیں کہ فرمایا کہ رسول اللہ ایک قبر پر سے گزرے پھر فرمایا میرے پاس دوشاخیں لاؤ تو ان میں سے ایک اس کے سرہانے اور دوسری اس کے پاؤں کی جانب لگادی ہم نے عرض کیا یارسول اللہ کیا اسے ان کا فائدہ ہوگا ؟ آپ نے فرمایا جب تک ان میں تازگی رہے گی تو اس کے عذاب میں تخفیف رہے گی۔ بیہقی فی کتاب عذاب القبر۔ یہ آپ کی خصوصیت تھی کہ آپ بذریعہ وحی جان گئے تھے کہ اسے عذاب ہورہا ہے اس لیے آپ نے ایسا کیا، بعد کا کوئی شخص اس طرح نہیں کرسکتا۔

٤٢٩٥٣۔۔ حضرت عائشہ سے روایت ہے فرمایا کہ ایک یہودی عورت (میرے ) پاس آئی تو وہ مجھ سے بیان کرنے لگی پھر روای نے اس حدیث کا ذکر کیا جس میں یہودی عورت کا قصہ اور حضرت عائشہ کا رسول اللہ کو اس کی بات بتانے کا واقعہ ہے فرماتی ہیں آپ نے مجھے کوئی جواب نہیں دیا، کچھ روز بعد آپ نے فرمایا عائشہ عذاب قبر سے اللہ کی پناہ مانگا کرو کیونکہ اس سے اگر کوئی بچ سکتا ہے توسعد بن معاذ بچ جاتے لیکن ان پر بھی ایک دباؤ سے زیادہ عذاب نہیں ہوا۔ بیہقی فی کتاب عذاب القبر۔