30589 ۔۔۔ ابراہیم نخعی (رح) اور شعبی سے روایت ہے کہ ورثہ میں ایک حقیقی بہن ہے ایک اخیافی بہن اور دادا ہے تو حضرت علی اور عبداللہ بن مسعود (رض) کے قول کے مطابق حقیقی بہن کو نصف اخیافی بہن کو سدس اور بقیہ مال دادا کو ملے گا اور زید بن ثابت (رض) کے قول کے مطابق دونوں بہنوں کو نصف اور دادا کو نصف ملے گا اخیافی بہن اپنا حصہ حقیقی بہن پر رد کرے گی ایک حقیقی بہن اور دوعلاتی بہن اور دادا وارث ہونے کی صورت میں حضرت علی اور عبداللہ بن مسعود (رض) کے قول کے مطابق حقیقی بہن کو نصف دونوں علاتی بہنوں کو سد تکملہ للثلثین اور باقی دادا کو ملے گا اگر علاتی بہنیں دو سے زیادہ ہوں تب بھی ان کا حصہ سدس سے زیادہ نہ ہوگا اور زید بن ثابت (رض) کے قول کے مطابق داد کو دوخمس اور بہنوں میں سے ہر ایک ایک خمس (یعنی دادا کو 2/5 اور ہر بہن کو 1/5 ملے گا) پھر دونوں علاتی بہنیں اپنے حصے حقیقی بہن کو واپس کریں گی یہاں تک اس کا نصف مکمل ہوجائے نصف مکمل ہونے کے بعد جو باقی بچے وہ دونوں علاتی بہنوں کو مل جائے گا ۔ اگر تین یا چار علاتی بہنیں ایک حقیقی بہن اور دادا کے ساتھ جمع ہوجائیں تودادکاحصہ ثلث سے کم نہ ہوگا اور حقیقی بہن کو نصف مل جائے گا مابقیہ علاتی بہنوں کا ہوگا۔

اگر ایک حقیقی بہن ایک علاتی بھائی اور دادا وارث ہوں تو حضرت علی (رض) کے قول کے مطابق حقیقی بہن کو نصف ملے گا مابقیہ بھائی اور دادا کے درمیان آدھا آدھا تقسیم ہوگا اور عبداللہ بن مسعود (رض) کے قول کے مطابق دادا کو نصف اور حقیقی بہن کو نصف اور علاتی بھائی محروم ہوگا اور زید بن ثابت (رض) کے قول مطابق دس حصے کرکے دادا کو چار حصے اور علاتی بھائی کو چار حصے اور حقیقی بہن کو دوحصے پھر بھائی تین حصے حقیقی بہن کو واپس کرے گا اس طرح اس کا نصف مکمل ہوجائے گا تو بھائی کے پاس ایک حصہ باقی بچے گا وہی اس کا حق ہے۔

ایک حقیقی بہن ہے ایک علاتی بھائی ہے اور ایک علاتی بہن ہے اور دادا ہے حضرت علی (رض) کے قول کے مطابق حقیقی بہن کو نصف باقی دادا علاتی بھائی اور بہنوں کے درمیان خمسا تقسیم ہوگا اور عبداللہ بن مسعود (رض) کے قول کے مطابق حقیقی بہن کو نصف باقی دادا کے لیے علاتی بھائی بہنیں محروم ہوں گے اور زید بن ثابت (رض) کے قول کے مطابق مال کے بارہ حصے کئے جائیں گے دادا کو ثلث چھ حصے اور بھائی کو چھ حصے اور دونوں بہنوں میں سے ہر ایک کو تین تین حصے پھر علاتی بھائی اور بہن اپنے حصے حقیقی بہن پر ردکریں گے یہاں تک نصف یعنی نوحصے مکمل ہوجائیں اور ان دونوں کے درمیان تین حصے باقی رہیں گے۔

دوحقیقی بہنیں ایک علاتی بھائی اور دادا حضرت علی (رض) کے قول کے مطابق دونوں بہنوں کو ثلثان اور بقیہ بھائی اور دادا سے درمیان آدھا آدھا ہوگا اور عبداللہ بن مسعود (رض) کے قول کے مطابق دونوں بہنوں کو ثلثان اور جو باقی بچا دادا کے لیے اور علاتی بھائی محروم ہوگا اور زین بن ثابت (رض) کے قول کے مطابق تین حصے ہوں گے دادا کا ایک حصہ بھائی کا ایک حصہ اور بہنوں کا ایک پھر بھائی اپنا حصہ ، بہنوں پر رد کردے گا تاکہ ان کے حصے ثلثان مکمل ہوجائیں اور خود بھائی کے پاس کچھ بھی باقی نہیں بچے گا۔

دوحقیقی بہنیں ایک علاتی بہن اور دادا حضرت علی اور عبداللہ بن مسعود (رض) کے قول کے مطابق دونوں حقیقی بہنوں کو ثلثان مابقیہ دادا کو علاتی بہن محروم ہوگی زید بن ثابت (رض) کے قول کے مطابق دس حصے کرکے ادا کو چارحصے اور تینوں بہنوں میں سے ہر ایک کو دودوحصے پھر علاتی بہن اپنے حصے حقیقی بہنوں کو واپس کردے اس طرح اس کے پاس کچھ بھی باقی نہیں بچے گا وہ وارث نہیں ہوگی۔

دوحقیقی بہنیں ایک علاتی بھائی ایک علاتی بہن اور دادا حضرت علی (رض) کے قول کے مطابق دونوں حقیقی بہنوں کو دوتہائی دادا کو سدس مابقیہ مال علاتی بھائی بہن میں للذکر مثل حظ الانثین “ کے قاعدہ کے مطابق تقسیم ہوگا اور عبداللہ بن مسعود (رض) کے قول کے مطابق دونوں حقیقی بہنوں کو ثلثان اور مابقیہ دادا کے لیے اور علاتی بہن بھائی محروم ہوں گے اور زید بن ثابت (رض) کے قول کے مطابق تین حصے کرکے ایک حصہ ثلث دادا کے لیے اور دوثلث حقیقی بہنوں کے لیے دونوں آپس میں تقسیم کرلیں اور علاتی بہن بھائی وارث نہیں ہوں گے ۔ رواہ بیہقی

30590 ۔۔۔ ابراہیم نخعی (رض) فرماتے ہیں حضرت علی اور عبداللہ بن مسعود (رض) نے میراث کے مسائل میں عول کا قول اختیار فرمایا۔ (رواہ بیہقی)

30591 ۔۔۔ حضرت علی (رض) نے مرتد کے مال کا حقدار اس کے مسلمان ورثہ کو قرار دیا (بیہقی، امام شافعی اور احمد سے اس رویت کی تضعیف منقول ہے)

30592 ۔۔۔ شعبی (رح) کہتے ہیں شوہر ماں ، اخیافی بھائی اور حقیقی بھائی کے ورثہ ہونے پر حضرت علی اور زید بن ثابت (رض) نے فیصلہ فرمایا کہ شوہر کو نصف ماں کو سدس اخبافی بھائیوں کو ثلث حقیقی بھائیوں کو اخبافی بھائیوں کے ساتھ شریک نہیں کیا بلکہ ان کو عصبہ قرار دیا اگر کچھ مال بچ گیا تو حقیقی بھائیوں کو ملے گا ورنہ محروم ہوں گے۔ رواة بیہقی

30593 ۔۔۔ حارث کہتے ہیں کہ حضرت علی اخیافی بھائیوں کو وارث قرار دیدیتے تھے ان کے ساتھ حقیقی بھائیوں کو شریک نہیں ٹھہراتے وہ عصبہ ہیں اس کے لیے مال نہیں بچا۔ رواہ بیہقی

30594 ۔۔۔ عبداللہ بن سلمہ کہتے ہیں کہ حضرت علی (رض) سے اخیافی بھائیوں کے حصہ میراث کے متعلق دریافت کیا گیا تو فرمایا کا اگر وہ سو افراد ہوتے تو کیا تو ان کے حصہ ثلث سے بڑھاتے لوگوں نے عرض کیا نہیں تو فرمایا کہ میں ان کا حصہ ثلث سے کم نہیں کروں گا۔ (بیہقی نے روایت کی اور کہا کہ یہ حضرت علی (رض) کی مشہور روایت ہے)

30595 ۔۔۔ امام شعبی (رح) بیان فرماتے ہیں کہ حضرت علی اور ابوموسی اشعری (رض) حقیقی بھائیوں کو اخیافی بھائیوں کے ساتھ میراث میں شریک نہیں فرماتے تھے۔

30596 ۔۔۔ (مسندعلی ) قتادہ (رض) روایت کرتے ہیں کہ زید بن ثابت (رض) اور علی بن ابی طالب (رض) نے اس شخص کے بارے میں فیصلہ فرمایا جس نے دوچچازاد بھائیوں کو وارث بنایا ایک ان میں سے ماں شریک بھائی کو سدس بقیہ مال دونوں کے درمیان مشترک ہوگا۔ رواہ ابن جریر

30597 ۔۔۔ حکیم بن عقال کہتے ہیں کہ حضرت علی (رض) کے پاس مقدمہ آیا ایک عورت کے دوچچازاد بھائی وارث ہیں ایک ان میں سے شوہر ہے دوسرا اخیافی بھائی توشوہر کو نصف مال دیا اور بھائی کو سدس اور بقیہ مال کو دونوں کے درمیان مشترک قرار دیا۔ رواة ابن جریر

30598 ۔۔۔ ابن مسعود (رض) فرماتے ہیں کہ ” جدہ “ کو پہلی مرتبہ میراث میں چھٹا حصہ دیا گیا وہ میت کی وادی اپنے بیٹے (میت کے والد )

30599 ۔۔۔ شعبی (رح) کہتے ہیں کہ عبداللہ بن مسعود (رض) تین جدات کو وارث قرار دیتے تھے دوباپ کی جانب سے اور ایک ماں کی جانب سے تینوں میں مساوی تقسیم فرماتے تھے جب تک باپ کی طرف کی دو وادیوں میں سے ایک دوسری کی وارث نہ بن جائے۔ (رواہ سعیدبن منصور)

30600 ۔۔۔ ابوعمر شیبانی (رض) کہتے ہیں کہ ابن مسعود (رض) نے دادی کو اس کے بیٹے کے ساتھ وارث قرار دیا۔ رواہ سعید بن منصور

30601 ۔۔۔ ابن مسعود (رض) سے منقول ہے کہ پہلی جدہ (وادی) جو اسلام میں وارث قرار پائی وہ اپنے بیٹے کے ساتھ وارث بنی۔ (رواہ سعید بن منصور)

30602 ۔۔۔ ابن سیربن رحمة اللہ علیہ کہتے ہیں کہ نبی کریم (صلی اللہ علیہ وآلہ وسلم) نے میت کی دادی کو اپنے بیٹے کے موجودگی میں سدس کا مستحق قرار دیا یہ پہلا واقعہ تھا اسلام میں کہ وادی وارث قرار پائی۔ رواہ سعید بن منصور

30603 ۔۔۔ ابن سیر ین کہتے کہ سیرین نے کہا کہ مجھے خبر پہنچی ہے کہ اسلام میں پہلی مرتبہ جو وادی کو سدس دیا گیا وہ خاتون اپنے بیٹے کے ساتھ پوتے کی وارث بنی تھیں ۔ رواہ سعید بن منصور

30604 ۔۔۔ ابن سیرین کہتے ہیں کہ رسول اللہ (صلی اللہ علیہ وآلہ وسلم) نے وادی کو میراث میں سے سدس دیا وہ عورت بنی خزاعہ کی تھی۔ رواہ سعید بن مصور

30605 ۔۔۔ امام شعبی (رح) کہتے ہیں کہ حضرت علی (رض) اور زید بن ثابت (رض) دادی اس کے بیٹے کی موجودگی میں وارث قرار نہیں دیتے تھے اور ابن مسعود (رض) وارث قرار دیتے تھے اسلام میں پہلی مرتبہ جو دادی کو وارث قرار دیا وہ اس کے بیٹے کی موجودگی کی صورت میں ہوا۔ (حلیة الاولیاء بیہقی)

30606 ۔۔۔ شعبی (رح) کہتے ہیں کہ علی اور زید (رض) دادی کو اس کے بیٹے کی موجودگی میں وارث قرار نہیں دیتے تھے اور باپ اور ماں کی طرف جو دادی اور نانی ہوتیں ان میں سے رشتہ داری میں جو زیادہ قریب ہو اسی کو وارث قرار دیتے اور عبداللہ بن مسعود (رض) دادی کو اس کے بیٹے کی موجودگی میں وارث قرار دیتے اور قریب والی اور دور دونوں کو وارث قرار دیتے اور ان کے لیے میراث کا چھٹا حصہ مقرر فرماتے جب مختلف جہات سے ہوں اور اگر ایک جہت سے ہوں تو قریب والی کو وارث قرار دیتے۔

30607 ۔۔۔ (مسند الصدیق) ابن زبیر کہتے ہیں کہ صدیق اکبر دادا کو میراث میں باپ کے قائم مقام قرار دیتے۔ (عبدالرزاق ابن ابی شبیة سعید بن منصور بخاری دارمی دارقطنی بیہقی)

30608 ۔۔۔ شعبی (رح) کہتے ہیں کہ ابوبکر (رض) وعمر (رض) کی رائے یہ تھی کہ دادا کو بھائی سے زیادہ حقدار سمجھتے تھے اور عمر (رض) اس میں مزید کلام کرنے کو مکروہ سمجھتے تھے جب عمر (رض) دادا بن گئے تو فرمایا یہ ایک کام ہونے والا تھا لہٰذا لوگوں کو اس مسئلہ معلوم ہونا چاہیے زیدبن ثابت (رض) کے پاس بھیجا کہ ان سے دادا کے حصہ میراث معلوم کیا جائے تو انھوں نے کہا کہ میری اور صدیق اکبری رائے یہ ہے کہ دادا بھائی سے اولی ہے اور کہا اے امیرالمومنین ایسا نہ کیجئے کہ ایک درخت لگایا جائے پھر اس سے شاخ نکلے پھر اس شاخ سے دوشاخیں نکلیں کہ آپ پہلی شاخ کو دوسری شاخ سے اولی قرار نہ دیں حالانکہ شاخ شاخ سے نکلی ہے پھر حضرت علی (رض) سے مسئلہ پوچھا تو انھوں نے زیدبن ثابت (رض) کی رائے مطابق رائے دی مگر انھوں نے اس طرح تشبیہ دی کہ ایک سیلاب بہہ گیا س سے ایک گھاٹی نکلی پھر اس گھاٹی سے دوگھاٹیاں نکلیں اور کہا کہ بتائیں اگر یہ درمیان والی گھاٹی لوٹ جائے تو کیا ان دوگھاٹیوں کی طرف نہیں جائے گی ایک اکٹھی یہ جواب سن کر حضرت عمر (رض) کھڑے ہوئے اور خطبہ دیا اور پوچھا کیا تم میں سے کسی نے دادا کے حصہ میراث کے متعلق کوئی حدیث سنی ہے ؟ ایک شخص کھڑے ہوئے اور کہا کہ میں نے سنا ہے کہ رسول اللہ (صلی اللہ علیہ وآلہ وسلم) سے ایک مسئلہ میراث پوچھا گیا اس میں دادا بھی شامل تھا آپ (صلی اللہ علیہ وآلہ وسلم) نے اس کو ثلث (تہائی) مال دیا حضرت عمر (رض) نے پوچھا : اس وقت دادا کے ساتھ دیگر ورنہ کون تھے تو اس شخص نے کہا یہ یاد نہیں فرمایا تجھے یاد نہ رہے پھر خطبہ ارشاد فرمایا اور لوگوں سے پوچھا کہ کسی نے دادا کے حصہ میراث سے متعلق کوئی حدیث سنی ہے تو ایک شخص کھڑے ہوئے اور عرض کیا کہ میں نے ایک میراث کا فیصلہ سنا رسول اللہ (صلی اللہ علیہ وآلہ وسلم) نے دادا کو سدس (چھٹا حصہ) عطا فرمایا تو پوچھا ان کے ساتھ دیگر ورثہ کون تھے تو بتایا یاد نہیں۔ حضرت عمر (رض) نے پھر فرمایا تمہیں یاد نہ رہے امام شعبی کہتے کہ زید بن ثابت (رض) دادا کو بھائی کی حیثیت دیتے یہاں تک ان کا حصہ ثلث تک پہنچ جائے جب وہ تیسرا ہو اور جب بھائیوں کی تعداد بڑھ جاتی تو بھی دادا کو ثلث ہی دیتے اور حضرت ملی (رض) بھی دادا کو بھائی فرض کرتے یہاں تک تعداد چھ تک پہنچ جاتی وہ ان کا حصہ چھٹا ہوا اگر تعداد اس سے بڑھ جاتی تو بھی ان کا حصہ سدس ہی ہوتا۔ (عبدالرزاق بیہقی)