٤٢١٩٤۔۔۔ مجھے یاک انصاری شخص کے سرہانے ملک الموت نظر آیا میں نے کہا : ملک الموت ! میرے صحابی کے ساتھ نرمی کا برتاؤ کر کیونکہ وہ مومن ہے تو اس نے کہا : اے محمد (صلی اللہ علیہ وآلہ وسلم) آپ اطمینان رکھئے اور آپ کی آنکھ ٹھنڈی ہو ! میں ہر مومن کے ساتھ نرمی کا برتاؤ کرتا ہوں۔ البزار عن الخزارج

٤٢١٩٥۔۔۔ اے فرشتے ! میرے صحابی کے ساتھ نرمی والا معاملہ کر کیونکہ وہ مومن ہے۔ ابن قانع عن الحارث بن خزارج الانصاری

٤٢١٩٦۔۔۔ جو اللہ تعالیٰ کی ملاقات پسند کرتا ہے اللہ تعالیٰ اس کی ملاقات پسند کرتے ہیں اور جو اللہ تعالیٰ سے نہ ملنا چاہے تو اللہ تعالیٰ بھی اس کے ساتھ نہیں ملنا چاہتے حضرت عائشہ (رض) نے عرض کی : مجھے موت سے نفرت ہے آپ نے فرمایا : یہ اس میں شامل نہیں لیکن مومن کی جب موت آتی ہے تو اللہ تعالیٰ کی رضامندی اور اس کی کرامت و عزت کی بشارت دی جاتی ہے تو اس سامنے کی چیز سے بڑھ کرا سے کوئی چیز اچھی نہیں لگتی پھر بھی وہ اللہ تعالیٰ کی ملاقات کو پسند کرتا تو اللہ تعالیٰ اس کی ملاقات کو پسند کرتے ہیں۔ رہا کافر تو جب اسے موت اتی ہے تو اسے اللہ تعالیٰ کے عذاب اور سزا کی نوید ملتی ہے تو اس سے زیادہ کوئی چیز بری نہیں لگتی یوں وہ اللہ تعالیٰ کی ملاقات کو ناپسند کرتا ہے تو اللہ تعالیٰ بھی اس سے ملنا پسند نہیں کرتے۔ عبدبن حمید عن انس عن عبادۃ بن الصامت ابن ماجۃ عن عائشۃ

٤٢١٩٧۔۔۔ جو اللہ تعالیٰ کی ملاقات پسند کرے تو اللہ تعالیٰ بھی اس کی ملاقات پسند کرتا ہے اور جو اللہ تعالیٰ کی ملاقات نہ چاہے تو اللہ تعالیٰ بھی اس کی ملاقات نہیں چاہتے لوگوں نے کہا : ہم تو موت کو ناپسند کرتے ہیں : آپ نے فرمایا : یہ بات نہیں بلکہ واقعہ یہ ہے کہ جب کسی کو موت آتی ہے تو وہ یا تو مقربین میں سے ہوتا ہے تو راحت وریحان اور نعمتوں کی جنت ہے پھر جب کسی کوا س کی بشارت دی جاتی ہے تو وہ اللہ تعالیٰ کی ملاقات پسند کرتا ہے اور اللہ اس کی ملاقات کو زیادہ پسند کرتے ہیں۔ رہا وہ جو جھٹلا نے والوں اور گمراہوں سے ہو تو اس کی خاطر مدارات کھولتے پانی سے کی جاتی ہے تو جب اسے اس کا مثرمثردہ ملتا ہے تو وہ اللہ تعالیٰ کی ملاقات کو ناپسند کرتا ہے تو اللہ تعالیٰ بھی اس کی ملاقات زیادہ ناپسند کرتے ہیں۔ مسنداحمد عن رجل من الصحا بۃ

٤٢١٩٨۔۔۔ جو اللہ تعالیٰ کی ملاقات پسند کرے اللہ تعالیٰ اس کی ملاقات پسند کرتا ہے اور جو اللہ تعالیٰ کی ملاقات نہ چاہے اللہ تعالیٰ بھی اس کی ملاقات نہیں چاہتا لوگوں نے عرض کی : یارسول اللہ ! ہم سب بھی تو موت کو نہیں چاہتے آپ نے فرمایا : یہ موت سے نفرت کا مطلب نہیں بلکہ بات یہ ہے کہ جب مومن کی موت آتی ہے تو جو نعمتیں ایسے ملنے والی ہوتی ہیں ان کی بشارت دینے اللہ تعالیٰ کی طرف سے ایک فرشتہ آتا ہے تو اللہ تعالیٰ کی ملاقات سے بڑھ کر کوئی چیز اسے محبوب نہیں ہوتی اس لیے وہ اللہ تعالیٰ کی ملاقات پسند کرتا ہے۔ اور اللہ تعالیٰ بھی اس کی ملاقات پسند کرتا ہے۔ اور فاجر و گناہ گار کی جب موت آتی ہے تو جو مصائب اس پر آنے ہوتے ہیں ان کی وجہ سے وہ اللہ تعالیٰ سے ملنا ناپسند کرتا ہے تو اللہ تعالیٰ بھی اس کی ملاقات ناپسند کرتا ہے۔ مسنداحمد، نسائی عن انس

٤٢١٩٩۔۔۔ جس نے اپنی وفات کے وقت تین مرتبہ کہا : لاالہ الا اللہ الکریم اور تین مرتبہ والحمد للہ رب العالمین، تبارک الذی بیدہ الملک یحییٰ ویمیت وھو علی کل شیء قدیر، تو وہ جنت میں داخل ہوگا۔ الخرائطی عن علی

٤٢٢٠٠۔۔۔ جس بندہ کے دل میں اس جیسی بیماری میں یہ دوچیزیں رحمت کی امید اور گناہوں کا خوف جمع ہوں تو اللہ تعالیٰ اسے اس کی امید عطا کرتا اور جس سے ڈرتا ہے اس سے امت عطا کرتا ہے۔ عبدبن حمید ترمذی غریب نسائی، مسلم ابویعلی وابن السنی ، بیہقی فی الشعب سعید بن منصور عن انس فرماتے ہیں کہ رسول اللہ (صلی اللہ علیہ وآلہ وسلم) ایک شخص کے پاس اس کی موت کے وقت تشریف لائے اور فرمایا : کیا کیفیت ہے ؟ اس نے عرض کی اللہ تعالیٰ کی امید اور گناہوں کا خوف ہے تو آپ نے ارشاد فرمایا اور یہ حدیث ذکر کی بیہقی فی الشعب عن عبیدبن عمیر مرسلامثلہ

٤٢٢٠١۔۔۔ اپنے مرنے والوں کو، لاالہ الا اللہ، کی تلقین کیا کرو کیونکہ یہ زبان پر ہلکا اور میزان میں وزنی کلمہ ہے۔ اگر لاالہ الا اللہ ایک پلڑے میں اور دوسرے پلڑے میں آسمانوں اور زمین کو رکھ دیا جائے تو لاالہ الا اللہ وزن میں بڑھ جائے۔ الدیلمی عن ابوہریرہ

٤٢٢٠٢۔۔۔ اپنے مردوں کو لاالہ الا اللہ کی تلقین کیا کرو کیونکہ یہ گناہوں کو یوں گرادیتا ہے جیسے سیلاب عمارتوں کو لوگوں نے عرض کی کیسے یہ تو زندوں کے لیے ہے ؟ آپ نے فرمایا : بس گرادیتا ہے گرادیتا ہے۔ الدیلمی عن ابوہریرہ

٤٢٢٠٣۔۔۔ اپنے مرنے والوں کو، لاالہ الا اللہ، کی تلقین کیا کرو اور انھیں اکتابٹ میں مبتلا نہ کرو، اس واسطے کہ وہ موت کی سختیوں میں ہوتے ہیں۔ الدیلمی عن ابوہریرہ

٤٢٢٠٤۔۔۔ اپنے مردوں کو، لاالہ الا اللہ، کی تلقین کیا کرو اس لیے کہ جس کی آخری گفتگو، لاالہ الا اللہ، موت کے وقت ہوئی تو وہ کسی نہ کسی دن جنت میں جائے گا اگرچہ اس سے پہلے اس نے جو کچھ کیا۔ ابن حبان عنا بی ہریرہ

٤٢٢٠٥۔۔۔ اپنے مردوں کو لاالہ الا اللہ کی تلقین کیا کرو۔ مسنداحمد، وعبد بن حمید، مسلم، ابوداؤد، ترمذی، نسائی، ابن ماجۃ ، ابن حبان، عن ابی سعید، نسائی ، مسلم ، ابن ماجۃ عن ابوہریرہ نسائی عن عائشۃ، عقیلی فی الضعفاء عن حذیفۃ بن یمان، نسائی، ابن ماجۃ عن عروۃ بن مسعود

٤٢٢٠٦۔۔۔ اپنے مردوں کو لا الہ الا اللہ کی شہادت کی تلقین کیا کرو کیونکہ جس نے اپنی موت کے وقت اسے کہا تو جنت اس کے لیے واجب ہے لوگوں نے عرض کی : یارسول اللہ ! جس نے اپنی صحت میں اسے کہا ؟ آپ نے فرمایا : یہ واجب کردیتا ہے واجب کردیتا ہے اگر آسمانوں اور زمینوں اور ان کے درمیان کی چیزوں اور جو کچھ ان زمینوں کے نیچے ہے سب کو لا کر ترازو کے ایک پلڑے میں اور لاالہ الا اللہ کو دوسرے پلڑے میں رکھ دیا جائے تو یہ وزن میں ان سب سے بڑھ جائے۔ طبرانی فی الکبیر عن ابن عباس

٤٢٢٠٧۔۔۔ مومن کی جان اس کے پہلوؤں سے نکلتی ہے اور وہ اللہ تعالیٰ کی تعریف کررہا ہوتا ہے۔ ابن حبان عن ابن عباس

٤٢٢٠٨۔۔۔ موت کا سب سے کم جھپٹا تلوار کی سوضربوں کی طرح ہوتا ہے۔ ابن ابی الدنیا فی ذکر الموت عن الضحاک بن حمرۃ مرسلا

٤٢٢٠٩۔۔۔ اللہ تعالیٰ نے جب سے انسان کو پیدا کیا انسان موت سے زیادہ سخت چیز سے نہیں ملا پھر موت بعد کے حالا سے زیادہ آسان ہے۔ مسنداحمد عن انس

٤٢٢١٠۔۔۔ ملک الموت کا واسطہ جو کسی انسان سے پڑتا ہے تلوار کی ہزارضربوں سے زیادہ سخت ہے۔ خطیب عن انس ، کلام۔۔۔ التعقبات ١٩ الوقوف ١٤٢۔

٤٢٢١١۔۔۔ اگر بہائم کو موت کا اتنا علم ہوجائے جتنا انسانوں کو ہے تو انھیں موٹا نہ کھایا جائے۔ بیہقی فی الشعب عن ام صبیۃ

٤٢٢١٢۔۔۔ میں نے مومن کے دنیا سے نکلنے کی تشبیہ صرف اس بچہ سے دی جو اپنی ماں کے پیٹ سے اس غم اور ظلم سے نکل کر دنیا کی روح کی طرف نکلتا ہے۔ الحکیم عن انس، کلام۔۔۔ ضعیف الجامع ٥٠٨١ الکشف الا لٰہی ٨٨٦۔

٤٢٢١٣۔۔۔ آج کے بعد تیرے والد پر کوئی مصیبت نہیں ہوگی۔ بخاری عن انس