42634 :۔۔۔ " اللہ تعالیٰ نے فرمایا : میرا بندہ جب چالیس سال کی عمر تک پہنچ جاتا ہے تو میں اسے تین طرح کے مصائب سے عافیت دے دیتا ہوں، جنون برص اور کوڑھ سے، اور پچاس سال کا ہوجاتا ہے تو اس سے آسان حساب لیتا ہوں، اور جب ساٹھ سال کی عمر کا ہوجاتا ہے تو انابت و رجوع کو اس کا محبوب (عمل) بنا دیتا ہوں، اور جب ستر سال کی عمر میں داخل ہوتا ہے تو فرشتے اس سے محبت کرنے لگتے ہیں۔ اور جب اسی سال کا ہوتا ہے تو میں اس کی نیکیاں لکھ لیتا اور اس کی برائیاں ختم کردیتا ہوں، اور جب نوے سال کا ہوتا ہے تو فرشتے کہتے ہیں (یہ) اللہ تعالیٰ کی زمین میں اس کا قیدہ ہے، پس اس کے اگلے پچھلے گناہ بخش دیے جاتے ہیں اور اس کے گھر والوں کے بارے میں اس شفاعت قبول کی جاتی ہے۔ (الحکیم عن عثمان)

کلام : ۔۔۔ ضعیف الجامع 4043 ۔ المغیر 104"

42635 :۔۔۔ " جب بھی مسلمان کی عمر بڑھتی ہے تو یہ اس کے لیے بہتر ہے۔ طبرانی فی الکبیر عن عوف ابن مالک۔

کلام : ۔۔۔ ضعیف الجامع 4262"

42636 :۔۔۔ کیا یہ شخص اس (فوت ہونے والے) کے بعد ایک سال تک (زندہ) نہیں رہا یوں اس نے رمضان (کا مہینہ) پایا اور اس کے روزے رکھے اور سال میں اتنی نمازیں اور اتنے سجدے کیے، تو ان دونوں کے درمیان (اجر کا) اتنا ہی فرق ہے جتنا مشرق و مغرب کے مابین ہے۔ ابن ماجۃ، ابن حبان، بیہقی فی السنن عن طلحۃ۔

42637 :۔۔۔ اللہ تعالیٰ کے نزدیک کوئی کسی عمر رسیدہ مومن سے افضل نہیں، اس کی تکبیر ، تحمید اور تہلیل کی وجہ سے۔ مسند احمد عن طلحۃ۔

42638 :۔۔۔ " اللہ تعالیٰ اسی سالہ (لوگوں) کو پسند کرتا ہے۔ ابن عساکر عن ابن عمر۔

کلام : ضعیف الجامع 1695"

42639 :۔۔۔ " اللہ تعالیٰ ستر سالہ (لوگوں) کو پسند کرتا اور اسی سالہ (لوگوں) سے حیا کرتا ہے۔ حلیۃ الاولیاء عن علی۔

کلام : ۔۔۔ ضعیف الجامع 1696"

42640 :۔۔۔ جس مسلمان کا اسلام (کی حالت) میں ایک بال سفید ہوتا ہے تو اللہ تعالیٰ اس کے بدلہ ایک نیکی لکھتا اور اس کی ایک برائی دور کرتا ہے۔ ابوداؤد عن ابن عمرو۔

42641 :۔۔۔ جس کا اسلام میں ایک بال سفید ہوا تو قیامت کے روز اس کے لیے نور ہوگا۔ ترمذی نسائی عن کعب بن مرۃ۔

کلام : ۔۔۔ ذخیرۃ الحفاظ 5370 ۔ "

42642 :۔۔۔ جس کا اللہ تعالیٰ کی راہ میں ایک بال سفید ہوا تو قیامت کے روز اس کے لیے نور ہوگا۔ مسند احمد، ترمذی، نسائی، ابن حبان عن عمرو بن عبسۃ۔

42643 :۔۔۔ " قیامت کے روز اللہ تعالیٰ کے ہاں عمر رسیدہ مومن سب سے افضل ہوگا۔ فردوس عن جابر۔

کلام : ضعیف الجامع 1041 ۔ "

42644 :۔۔۔ اللہ تعالیٰ سفید بال دانے (بوڑھے) سے حیا کرتا ہے جب وہ درست و سنت کو تھامنے والا ہو کہ وہ اللہ تعالیٰ سے کسی چیز کا سوال کرے اور اللہ تعالیٰ اسے نہ دے۔ (ابن النجار عن انس)

42645 :۔۔۔ تم میں سے کوئی بھی موت کی تمنا نہ کرے، اگرچہ وہ نیکوکار ہو کیونکہ ہوسکتا ہے اس کی عمر بڑھ جائے اور اگرچہ گناہ گار ہو اس واسطے کہ ہوسکتا ہے اسے توبہ کی توفیق مل جائے۔ مسند احمد، بخاری، نسائی عن ابوہریرہ ۔

42646 :۔۔۔ " اللہ تعالیٰ کی عبادت میں لمبی عمر (پانا) سعادت ہی سعادت ہے۔ (القضاعی فردوس، عن ابن عمیر)

کلام : ۔۔۔ ضعیف الجامع 3344 ۔ الضعیفۃ 2407 ۔ "

42647 :۔۔۔ جن لوگوں کی عمریں دراز اور اعمال اچھے ہوں وہ تمہارے بہترین لوگ ہیں۔ حاکم عن جابر۔

42648 :۔۔۔ لوگوں میں کا بہترین شخص ہے وہ جس کی عمر دراز اور عمل اچھا ہو۔ مسند احمد، ترمذی عن عبداللہ بن یسر۔

42649 :۔۔۔ لوگوں میں سے بہترین شخص ہے وہ ہے جس کی عمر لمبی اور عمل اچھا ہو۔ مسند احمد، ترمذی حاکم عن ابی بکرۃ۔

42650 :۔۔۔ " اس شخص کے لیے خوشخبری ہے جس کی عمر طویل اور اس کا عمل اور اس کا عمل اچھا ہو۔ طبرانی فی الکبیر حلیۃ الاولیاء عن عبداللہ بن یسر۔

کلام : ۔۔۔ تذکرۃ الموضوعات 200 ۔ "

42651 :۔۔۔ " اللہ تعالیٰ کی فرمان بردار میں لمبی عمر سعادت مندی ہے سعادت مندی ہے۔ خطیب عن المطلب عن ابیہ۔

کلام : ۔۔۔ ضعیف الجامع 200 ۔ الشذرۃ 573 ۔ "

42652 :۔۔۔ کیا میں تمہیں تمہارے اچھے لوگ نہ بتاؤ ! تمہارے بہترین لوگ وہ ہیں جن کی عمریں دراز اور اعمال اچھے ہوں۔

عبد بن حمید و ابن زنجویہ، حاکم عن جابر، ابن زنجویہ بیہقی عن ابوہریرہ ۔ "

42653 :۔۔۔ کیا تمہیں تمہارے برے لوگوں میں سے اچھے لوگوں کے بارے میں نہ بتاؤں ؟ تمہارے بہترین لوگ وہ ہیں جن کی عمریں لمبی اور اعمال سب سے اچھے ہوں۔ حاکم ، بیہقی عن جابر۔