42534: ۔۔۔ ایک بیمار عورت تھی وہ موت کی شدت اور قبر کے بھینچنے کا ذکر کرنے لگی تو میں اللہ تعالیٰ سے دعا کی کہ اس کے لیے تخفیف کا معاملہ کریں۔ یعنی آپ کی بیٹی حضرت زینب (رض)۔ حاکم عن انس۔

42535: ۔۔۔ قبر میں بھینچنا ہر مومن کے لیے ہر اس گناہ کا کفارہ ہے جو اس کے ذمہ تھا جس کی بخشش نہیں ہوئی۔ اور یہ اس لیے کہ یحییٰ بن زکریا (علیہما السلام) کو قبر نے ایک جو کی وجہ سے بھینچا۔ الرافعی عن معاذ۔

کلام : ۔۔۔ ضعیف الجامع 3600

42536:۔۔۔ مجھے قبر کی تنگی اور اس کی پریشانی یاد آتی اور ساتھ ہی زینب کی تنگی کا خیال آتا تو مجھے بڑا قلق ہوتا میں نے اللہ تعالیٰ سے دعا کی کہ اس کے لیے تخفیف فرمائیں تو اللہ تعالیٰ نے ایسا ہی کیا، جب کہ قبر نے اسے بھینچا جس کی آواز دو پہاڑوں کے درمیان جنوں انسانوں کے علاوہ سب نے سنی۔ طبرانی فی الکبیر، دار قطنی فی العلل وقال مضطرب ، عن انس واوردہ ابن الجوزی فی الموضوعات۔

42537: ۔۔۔ تمہارے ساتھی پر قبر تن گ ہوئی اور اسے ایک دفعہ بھینچا اگر اس سے کوئی بچ سکتا تو سعد بن معاذ بچ جاتے، پھر اللہ تعالیٰ نے ان کے لیے تخفیف کی۔ ابن سعد عن جابر۔

42538: ۔۔۔ لا الہ الا اللہ ! سبحان اللہ ! اس نیک بندہ پر قبر تنگ ہوئی یہاں تک کہ مجھے خوف ہوا کہ اس کیلیے کشادہ نہیں ہوگی یعنی سعد بن معاذ (الحکیم عن جابر،

42539: ۔۔۔ اگر قبر کے دباؤ سے کوئی بچ سکتا تو سعد بچ جاتے تو پیشاب کی وجہ سے وہ ایک دفعہ دبائے گئے کہ ان کی پسلیاں آپس میں گھس گئیں۔ (ابن سعد عن سعید المقبری مرسلا)

42540: ۔۔۔ اگر قبر کے دباؤ سے کوئی بچ سکتا تو یہ بچہ چھوٹ جاتا۔ براء بن عازب (رض) سے روایت ہے وہ ابو ایوب (رض) سے روایت ہے کہ رسول اللہ (صلی اللہ علیہ وآلہ وسلم) کے سامنے ایک بچہ دفن ہوا تو آپ نے یہ ارشاد فرمایا۔

42541: ۔۔۔ مومن کو قبر میں بھینچا جاتا ہے کہ اس کا کفن اتر جاتا ہے اور کافر کی قبر آگ سے بھر دی جاتی ہے۔ مسند احمد والحکیم عن حذیفہ اور دہ ابن الجوزی فی الموضوعات و رد علیہ ابن حجر فی القبول المسدد۔

42542: ۔۔۔ غیب جسے اللہ تعالیٰ ہی جانتا ہے اگر تمہارے دل پھٹ نہ جاتے اور تمہیں گفتگو میں بڑھا نہ دیتا تو جو میں سن رہا ہوں تم بھی سنتے (مسند احمد، طبرانی فی الکبیر عن ابی امامۃ کہ نبی علیہ دو قبروں کے پاس سے گزرے تو فرمایا : کہ ان دونوں کو ابھی عذاب ہورہا ہے اور وہ اپنی قبروں میں آزمائے جا رہے ہیں، لوگوں نے عرض کیا : انھیں کب سے عذاب ہورہا ہے اس پر آپ نے فرمایا۔

42543: ۔۔۔ ابو ایوب کیا تم وہ آواز سن رہے ہو جو میں سن رہا ہوں ؟ میں ان یہودیوں کی آوازیں سن رہا ہوں جنہیں ان کی قبروں میں عذاب دیا جا رہا ہے۔ طبرانی فی الکبیر وھو لفظہ مسند احمد، بخاری، مسلم، نسائی عن البراء عن ابی ایوب۔

42544: ۔۔۔ اے بلال ! کیا تم وہ آواز سن رہے ہو جو میں سن رہا ہوں ؟ کیا تم قبرستان والوں کی آواز نہیں سن رہے جنہیں عذاب دیا جا رہا ہے۔ حاکم عن انس۔

42545: ۔۔۔ اگر تم مردوں کو دفن نہ کرتے ہوتے تو میں اللہ تعالیٰ سے دعا کرتا ہے کہ تمہیں عذاب قبر سناتے جیسے میں سن رہا ہوں، اس امت کو قبروں میں آزمایا جائے گا، عذاب قبر، جہنم کے عذاب سے، کھلے اور پوشیدہ فتنوں سے اور دجال کے فتنہ سے اللہ تعالیٰ کی پناہ مانگا کرو۔ (ابن حبان عن ابی سعید)

42546: ۔۔۔ میت کو جب قبر میں رکھا جاتا ہے تو قبر اس سے کہتی ہے : ابن آدم ! تیرا ناس ہو میرے متعلق تجھے کس نے دھوکے میں رکھے ؟ کیا تجھے پتہ نہیں کہ میں تاریکی آزمائش تنہائی اور کیڑوں کا گھر ہوں ؟ تجھے کسی نے دھوکے میں رکھا جب تو کئی امیدیں لے کر چلا کرتا تھا، پس اگر وہ نیک ہوا تو قبر کا جواب دینے والا اس کی جانب سے جواب دے گا۔ تیرا کیا خیال ہے اگر وہ نیکی کا حکم دیتا رہا اور برائی سے منع کرتا رہا ہو ! تو قبر کہتی ہے : تب تو میں اس کے لیے تروتازگی میں بدل جاؤں گی اور اس کا جسم منور ہوجائے گا۔ اور اس کی روح رب العالمین کی طرف پرواز کرجائے گی۔ الحکیم ابو یعلی، طبرانی فی الکبیر، حلیۃ الاولیاء عن ابی الحجاج الثمالی۔

42547: ۔۔۔ ہر دن قبروں والوں پر جنت و جہنم کے ٹھکانے پیش کیے جاتے ہیں ابو نعیم عن ابن عمر۔

42548: ۔۔۔ جب تم میں سے کوئی مرجاتا ہے تو صبح و شام اس کا ٹھکانا پیش کیا جاتا ہے اگر جنتی ہوا تو جنت کا اور جہنمی ہوا تو جہنم کا، اس سے کہا جاتا ہے، یہ تیرا ٹھکانا ہے جس کی طرف اللہ تعالیٰ تجھے قیامت کے روز بھیجے گا۔ مالک ، ابو داؤد طیالسی، مسند احمد، بخاری، مسلم ترمذی، نسائی، ابن ماجہ عن ابن عمر،

42549: ۔۔۔ کافر پر دو سانپ چھوڑے جاتے ہیں ایک اس کے سر کی جانب سے اور دوسرا اس کے پاؤں کی جانب سے ، جو اسے ڈستے رہتے ہیں جب ڈس چکتے ہیں تو پھر لوٹ آتے ہیں۔ اور قیامت میں یہی ہوتا رہے گا۔ مسند احمد والخطیب عن عائشۃ۔

42550: ۔۔۔ پھر کافر کی قبر میں اس پر ننانوے سانپ مسلط کیے جاتے ہیں۔ جو اسے قیامت قائم ہونے تک نوچتے اور ڈستے رہیں گے ان میں سے اگر ایک سانپ زمین پر (کسی جگہ) پھونک مار دے تو وہاں سبزہ نہ اگے۔ مسند احمد ، وعبد بن حمید والدارمی، ابو یعلی ابن حبان، ضیاء عن ابی سعید۔

42551: ۔۔۔ قبروں کی زیارت کیا کرو کیونکہ ان سے آخرت یاد آتی ہے۔ ابن ماجۃ عن ابوہریرہ ۔

42552:۔۔۔ قبروں کی زیارت کیا کرو اور بیہودہ باتیں مت کیا کرو۔ ابو داؤد، طیالسی، سعید بن منصور عن زید بن ثابت۔

42553: ۔۔۔ قبروں میں جھانکو اور دوبارہ اٹھنے کا اندزہ لگاؤ۔ بیہقی عن انس۔

کلام : ۔۔۔ ضعیف الجامع 912، الکشف الالہی 130 ۔