10617 ۔۔۔ فرمایا کہ ” گرکر مرنے والے کے لیے شہید کا اجر ہے اور ڈوبنے والے کے لیے دو شہیدوں کا اجر ہے “

(فرمایا کہ) کسی بندے کا میزان عدل (قیامت میں) بھاری نہیں ہوگا جتنا کہ اس جانور سے بھاری ہوگا جسے اللہ کے راستے میں استعمال کیا جاتا ہو یا اس پر اللہ کے راستے میں سواری کی جاتی ہو۔ (طبرانی کبیر عن جابر (رض))

10619 ۔۔۔ فرمایا کہ ” جس شخص کے دل میں اللہ کے راستے میں جانے کا شوق پیدا ہوا تو اللہ تعالیٰ اس پر آگ کو حرام کردیں گے “۔ (مسند احمد بروایت ام المومنین حضرت عائشہ صدیقہ (رض))

10620 ۔۔۔ فرمایا کہ ” کوئی مسلمان ایسا نہیں ہے جو اپنے گھوڑے کے لیے جو صاف کرے اور پھر اس کی گردن میں لٹکادے مگر یہ کہ اس کو ہر دانے کے بدلے ایک نیکی دی جاتی ہے “۔ (مسند احمد، بیھقی فی شعب الایمان بروایت حضرت تمیم (رض))

10621 ۔۔۔ فرمایا کہ ” کوئی غازی ایسا نہیں جو اللہ کے راستے میں ہو اور پھر ان کو مال غنیمت ملے مگر یہ کہ ان کو ان کے آخرت کے اجر کا دو تہائی فوراً دے دیا جاتا ہے، اور ایک تہائی باقی رہتا ہے اور اگر مال غنیمت نہ ملے تو ان کا اجر مکمل کردیا جاتا ہے “۔ (مسند احمد، مسلم ابو داؤد، نسائی، ابن ماجہ بروایت حضرت ابن عمرو (رض))

10622 ۔۔۔ فرمایا کہ ” اللہ کے راستے میں جہاد کرنے والے کی مثال (اور اللہ ہی زیادہ جانتا ہے کہ کون اس کے راستے میں جہاد کرتا ہے ) اس شخص کی طرح ہے جو روزہ رکھنے والا ہو، ہمیشہ کھڑا رہنے والا ہو، روزے اور صدقے سے ڈھیلا نہیں پڑتا، یہاں تک کہ (مجاہد) واپس نہ لوٹ آئے اور اللہ تعالیٰ پر توکل کرے کہ اگر اس کے راستے میں جان سے گیا تو جنت میں داخل ہوگا یا صحیح سلامت واپس آگیا اور اجر اور مال غنیمت کے ساتھ واپس آئے گا “۔ (متفق علیہ، ترمذی، نسائی، بروایت حضرت ابوھریرۃ (رض))

10623 ۔۔۔ فرمایا کہ ” اللہ کے راستے میں جہاد کرنے والے کی مثال (اور اللہ ہی زیادہ جانتا ہے کہ کون اس کے راستے میں جہاد کرنے والا ہے) اس روزے دار کی طرح ہے جو کھڑا ہونے والا ہو، ڈرنے والا، رکوع اور سجدہ کرنے والا ہو “۔ (نسائی بروایت حضرت ابوھریرۃ (رض))

10624 ۔۔۔ فرمایا کہ ” اللہ کے راستے میں صف میں کسی شخص کا کھڑا ہونا ساٹھ سال کی عبادت سے بہتر ہے “۔ (طبرانی بروایت حضرت عمران (رض))

10625 ۔۔۔ فرمایا کہ ” اگر کسی کے ہاتھ پر کوئی مسلمان ہوگیا تو جنت اس (مسلمان کرنے والے پر واجب ہوگئی) “۔ (طبرانی بروایت حضرت عقبۃ بن عامر (رض))

10626 ۔۔۔ فرمایا کہ ” جس نے اللہ کے راستے میں نیزہ باندھا تو اللہ قیامت کے دن اس کو گناہوں سے آزاد کردیں گے “۔ (عبدان بروایت حضرت ابوھریرۃ (رض))

10627 ۔۔۔ فرمایا کہ ” جس نے غازی کی غیبت کی گویا کہ اس نے ایک مومن کو قتل کیا “۔ (الشیرازی بروایت حضرت ابن مسعود (رض))

10628 ۔۔۔ فرمایا کہ ” جو اللہ کے راستے میں کچھ مال خرچ کرے تو اس کے لیے سات سو گنا لکھ دیا جاتا ہے “۔ (مسند احمد، ترمذی، نسائی، مستدرک حاکم بروایت حریم بن فاتک)

10629 ۔۔۔ فرمایا کہ ” اگر کسی شخص نے کسی غازی کو تیار کروایا یہاں تک کہ وہ ثابت قدمی سے جہاد میں چلا گیا تو اس (تیار کروانے والے) کے لیے بھی غازی جیسا ہی اجر ہوگا یہاں تک کہ غازی کی موت واقع ہوجائے تو واپس آجائے “۔ (ابن ماجہ بروایت حضرت عمر (رض))

10630 ۔۔۔ فرمایا کہ ” جس نے جہاد کے لیے اپنی اونٹنی کے تھنوں کو باندھ دیا اللہ تعالیٰ اس پر آگ کو حرام قرار دے دیں گے “۔ (الضعفاء للعقیلی بروایت ام المومنین حضرت عائشہ صدیقہ (رض))

10631 ۔۔۔ فرمایا کہ ” جس نے ایک رات بھی اللہ کے راستے میں گزاری تو اس کے لیے ہزار راتوں کے روزے اور قیام کی طرح ہوگی “۔ (ابن ماجہ بروایت حضرت عثمان (رض)

10632 ۔۔۔ فرمایا کہ ” سب سے افضل جہاد یہ ہے کہ کوئی اس حال میں صبح کرے کہ اس نے عزم کیا ہو کہ کسی پر ظلم نہ کروں گا “۔ (فردوس بروایت حضرت علی (رض))

10633 ۔۔۔ فرمایا کہ ” ایسا مت کرو، کیونکہ اللہ کے راستے میں تم سے کسی کے کھڑے ہونے کی جگہ، گھر پر اس کے ستر سال تک نماز پڑھنے سے افضل ہے، کیا تم اس بات کو پسند نہیں کرتے کہ اللہ تعالیٰ تمہیں معاف فرمادے اور جنت میں داخل کرے، اللہ کے راستے میں جہاد کرو جس نے اللہ کے راستے میں اونٹنی کے دودھ دوہنے کے درمیان جتنے وقت برابر بھی جہاد کیا، اس کے لیے جنت واجب ہوجائے گی “۔ (ترمذی، مستدرک حاکم بروایت حضرت ابوھریرۃ (رض))

10634 ۔۔۔ فرمایا کہ ” اے جابر ! کیا میں تمہیں خوشخبری نہ سناؤں کہ اللہ تعالیٰ نے تمہارے والد کے ساتھ کیسے ملاقات کی ؟ اللہ تعالیٰ نے کبھی کسی سے بغیر حجاب کے بات نہیں کی لیکن آپ کے والد کے ساتھ بغیر حجاب کے ملاقات فرمائی اور فرمایا کہ اے عبداللہ ! تمناکرو، جس چیز کی تمناکرو گے میں عطا کروں گا، تمہارے والد نے فرمایا، اے میرے رب ! مجھے زندہ کر دیجئے میں دوسری مرتبہ آپ کے راستے میں قتال کروں گا، تو اللہ تعالیٰ نے ارشاد فرمایا کہ یہ بات میری طرف سے طے شدہ ہے کہ کوئی ان میں سے واپس نہ جائے گا، تو تمہارے والد نے عرض کیا کہ اے میرے رب پھر جو میرے پیچھے (زندہ) ہیں ان تک میرا حال پہنچا دیجئے “۔ (ترمذی بروایت حضرت جابر (رض))

10635 ۔۔۔ فرمایا کہ ” جب احد میں تمہارے بھائی شہید ہوگئے تو اللہ تعالیٰ نے ان کی ارواح کو سبز رنگ کے پرندوں کے پیٹ میں رکھ دیا جو جنت کی نہروں پر آتے جاتے ہیں، اور جنت کے پھل کھاتے ہیں اور عرش کے سائے میں لٹکی ہوئی سونے کی قندیلوں میں رہتے ہیں، جب ان شہیدوں نے اپنا کھانا پینا اور اپنے رہنے کی جگہ نہایت عمدہ پائی تو کہنے لگے کہ کون ہمارے بھائیوں تک یہ بات پہنچائے کہ ہم زندہ ہیں جنت میں اور ہمیں رزق دیا جاتا ہے، تاکہ جہاد میں زاہد نہ بن جائیں اور جنگ کے وقت توکل کرکے نہ بیٹھے رہیں، تو اللہ تعالیٰ نے فرمایا کہ میں تمہاری یہ بات پہنچاؤں گا “۔ (مسند احمد، ابوداؤد، مستدرک حاکم بروایت حضرت ابن عباس (رض))

10636 ۔۔۔ فرمایا کہ ” اللہ تعالیٰ نے اس شخص کے لیے تیار کررکھا جو میرے راستے میں نکلے اور اسے میرے راستے میں صرف جہاد نے اور مجھ پر ایمان نے اور میرے رسولوں پر تصدیق نے نکالا ہو تو اس کا ذمہ دار میں ہوں کہ اس کو جنت میں داخل کروں، یا اس کو اس کے ٹھکانے تک پہنچادوں جہاں سے وہ نکلا تھا مال غنیمت اور اجر حاصل کرتے ہوئے، اور قسم اس ذات کی جس کے قبضے میں میری جان ہے اگر مسلمانوں پر گراں نہ ہوتا میں کبھی کسی سریے سے بھی پیچھے نہیں رہتا اور ہمیشہ اللہ کے راستے میں نکلتا لیکن مجھے اس میں گنجائش نہیں دکھائی دیتی کہ میں ان (مسلمانوں) کو اس پر مجبور کروں، ان کے پاس بھی گنجائش نہیں کہ وہ میرا اتباع کرتے اور نہ وہ مجھے چھوڑ کر پیچھے رہ کر خوش ہوتے ہیں، اور قسم اس ذات کی جس کے قبضے میں محمد کی جان ہے یقیناً اس بات کو بہت پسند کرتا ہوں کہ میں اللہ کے راستے میں جہاد کروں اور مجھے قتل کیا جائے، پھر میں اللہ کے راستے میں جہاد کروں اور مجھے قتل کیا جائے، پھر میں جہاد کروں اور مجھے قتل کیا جائے، پھر میں جہاد کروں اور مجھے قتل کیا جائے “۔ (ابن ماجہ بروایت حضرت ابوھریرۃ (رض))