11337 ۔۔۔ حضرت حمزۃ اسلمی سے مروی ہے فرمایا کہ جناب رسول اللہ (صلی اللہ علیہ وآلہ وسلم) نے فرمایا کہ اللہ کے راستے میں ایک مہینے کی مورچہ بندی بہتر ہے ہزار۔۔۔ کی عبادت سے “۔ (ابونعیم)

فائدہ :۔۔۔ ہزار کے بعد کتاب میں بھی جگہ خالی ہے سال ماہ کی تعین نہیں ہے واللہ اعلم بالصواب۔ (مترجم)

11338 ۔۔۔ حضرت ربیع ابن زید سے مروی ہے فرمایا کہ رسول اللہ (صلی اللہ علیہ وآلہ وسلم) چلے جارہے تھے کہ اسی دوران آپ (صلی اللہ علیہ وآلہ وسلم) نے ایک قریشی نوجوان کو دیکھا جو الگ ہٹ کر چل رہا تھا، تو آپ (صلی اللہ علیہ وآلہ وسلم) نے دریافت فرمایا کہ کیا یہ فلاں نہیں ہے ؟ عرض کیا گیا جی ہاں فرمایا کہ اس کو بلاؤ، وہ آیا تو رسول اللہ (صلی اللہ علیہ وآلہ وسلم) نے دریافت فرمایا کہ کیا ہوا تمہیں راستے سے ہٹ کر چل رہے ہو ؟ تو اس نے عرض کیا کہ مجھے یہ غبار پسند نہیں تو آپ (صلی اللہ علیہ وآلہ وسلم) نے فرمایا ، غبار سے الگ ہٹ کر نہ چل سو قسم اس ذات کی جس کے قبضے میں میری جان ہے وہ (یعنی غبار) تو جنت کی ایک قسم کی خوشبو ہے “۔ (دیلمی)

فائدہ :۔۔۔ روایت میں لفظ “ ذریرۃ “ جو ایک قسم کی خوشبو کو کہتے ہیں واللہ اعلم بالصواب۔ (مترجم)

11339 ۔۔۔ حضرت سلمۃ بن نفیل الحضرمی (رض) سے مروی ہے فرمایا کہ وہ رسول اللہ (صلی اللہ علیہ وآلہ وسلم) کے پاس آئے اور عرض کیا کہ میں نے اپنے گھوڑے کو آزاد چھوڑ دیا ہے اور اسلحے کو رکھ دیا اور کہا کہ اب قتال نہیں۔ تو رسول اللہ (صلی اللہ علیہ وآلہ وسلم) نے فرمایا کہ اب ہی تو قتال کا وقت آیا ہے، میری امت میں سے ایک جماعت لوگوں پر غالب رہے گی، اللہ تعالیٰ ان سے قوموں کے دلوں ٹیڑھا کردیں گے سو وہ ان سے لڑیں گے اور اللہ تعالیٰ ان کو ان سے رزق دیں گے یہاں تک کہ اللہ کا حکم آپہنچے اور وہ اسی حال پر ہوں، سنو ! مسلمانوں کے گھر کا درمیانی علاقہ شام ہے، اور گھوڑوں کی پیشانیوں میں خبر بندھی ہوئی ہے قیامت تک “۔ (مسند احمد ، اور ابن جریر)

11340 ۔۔۔ حضرت سلمۃ بن نفیل الحضرمی (رض) سے مروی ہے کہ ان کو ان کی قوم نے نمائندہ بنا کر جناب رسول اللہ (صلی اللہ علیہ وآلہ وسلم) کی خدمت اقدس میں بھیجا تھا، فرمایا کہ اس دوران کہ میں رسول اللہ (صلی اللہ علیہ وآلہ وسلم) کے ساتھ اور میرا گھٹنا آپ (صلی اللہ علیہ وآلہ وسلم) کے مبارک گٹھنے سے چھورہا تھا آپ (صلی اللہ علیہ وآلہ وسلم) کا رخ مبارک شامم کی طرف اور پشت مبارک یمن کی طرف تھی، کہ اتنے میں ایک شخص آیا اور عرض کیا یارسول اللہ ! لوگوں نے گھوڑوں کو لاپروائی کی وجہ سے دبلا کردیا اور اسلحہ رکھ دیا اور یہ سمجھنے لگے کہ جنگ اپنے کیل کانٹے سے فارغ ہوگئی، تو رسول اللہ (صلی اللہ علیہ وآلہ وسلم) نے ارشاد فرمایا کہ “ انھوں نے جھوٹ کہا بلکہ اب ہی تو قتال کا وقت آیا ہے میری امت میں سے ایک گروہ (اور ایک طریق میں ہے کہ) میری امت میں سے ایک قوم اللہ کے لیے قتال کرتی رہے گی ان سے اللہ تعالیٰ قوموں کے دل ٹیڑھے کردیں گے اور ان کی ان قوموں کی خلاف مدد کریں گے یہاں تک کہ قیامت قائم ہوجائے یا اللہ کا حکم آجائے، گھوڑوں کی پیشانیوں میں خیر قیامت تک بندھی ہوئی ہے اور یہی میری طرف وحی کیا گیا ہے کہ مجھے واپس بلایا جانے ولا ہے، بلاتاخیر اور تم اتباع کرنے والے ہو، ماریں گے تم میں سے بعض کی گردنیں اور مسلمانوں کے گھر کا درمیانی علاقہ شام ہے “۔

11341 ۔۔۔ حضرت سلمۃ بن نفیل الحضری سے مروی ہے فرمایا کہ اللہ تعالیٰ نے رسول اللہ (صلی اللہ علیہ وآلہ وسلم) کو فتح سے نوازا، تو میں آپ (صلی اللہ علیہ وآلہ وسلم) کے پاس آیا اور ان سے قریب ہوگیا یہاں تک کہ قریب تھا کہ میرے کپڑے آپ (صلی اللہ علیہ وآلہ وسلم) کے کپڑوں کو چھوجائیں، تو میں نے عرض کیا یارسول اللہ ! میں نے گھوڑے کو آزاد چھوڑ دیا اور اسلحہ کو ایک طرف رکھ دیا اور انھوں نے کہا ہے کہ جنگ اپنے کیل کانٹے سے فارغ ہوگئی تو رسول اللہ (صلی اللہ علیہ وآلہ وسلم) نے فرمایا کہ انھوں نے جھوٹ کہا اب تو دوسرے قتال کا وقت آیا ہے اور پہلے کا بھی اللہ تعالیٰ قوموں کے دل ٹیڑھے کرتے رہیں گے اور تم ان سے قتال کرتے رہوگے اور اللہ تعالیٰ تمہیں ان سے رزق دیں گے یہاں تک کہ اللہ تعالیٰ کا حکم اس پر آجائے اور اس دن مسلمانوں کے گھر کا درمیانی علاقہ شام ہوگا۔

11342 ۔۔۔ حضرت ابن عباس (رض) سے مروی ہے کہ جنگ تبوک کے دن جناب نبی کریم (صلی اللہ علیہ وآلہ وسلم) نے خطبہ ارشاد فرمایا کہ لوگوں میں سے کوئی اس شخص کی طرح نہیں ہوسکتا جو اپنے گھوڑے کی لگام تھامے اللہ کے راستے میں جہاد کرتا ہے اور لوگوں کے شر سے بچارہتا ہے، اور نہ اس شخص کی طرح کوئی ہوسکتا ہے جو اپنی بکریوں میں مصروف رہے، مہمان کی مہمان نوازی کرے اور اس کا حق ادا کرے “۔ (بیھقی فی شعب الایمان)

11343 ۔۔۔ حضرت ابن عمر (رض) سے مروی ہے فرمایا کہ جنگ میں لوگوں کی دوقسمیں ہیں سو ایک گروہ (قسم) تو وہ ہے جو کثرت سے اللہ کا ذکر کرتے ہوئے اور اس کو یاد کرتے ہوئے نکلے ، اور چلنے میں فساد سے بچے اور ساتھی کے ساتھ آہستہ گفتگو کرتے ہیں اور اپنا بہترین مال خرچ کرتے ہیں تو یہی وہ لوگ ہیں جن سے ان کے اس مال کی بدولت جس سے وہ دنیا میں استفادہ کرتے ہیں زبردست غبطہ کیا جاسکتا ہے اور جب وہ قتل و قتال کی جگہوں میں ہوتے ہیں تو حیاء کرتے ہیں ان جگہوں میں اللہ تعالیٰ سے اس بات پر کہ کہیں وہ ان کے دلوں کے شک پر مطلع نہ ہوجائے یا مسلمانوں کی ناکامی کے خیالات پر آگاہ ہوجائے (یعنی وہ اسی طرح کی باتیں سوچتے ہی نہیں بلکہ پرہیز کرتے ہیں۔ (مترجم)

اور جب وہ مال غنیمت پر قادر ہوتے ہیں تو اس سے اپنے دل اور اعمال کو پاک کرلیتے ہیں سو شیطان طاقت نہیں رکھتا کہ ان کو فتنے میں مبتلا کرسکے اور نہ ان کے دلوں سے بول سکتا ہے سو انہی سے اللہ تعالیٰ اپنے دین کو عزت دیتا ہے اور اپنے دشمن کو ذلیل کردیتا ہے۔

رہا دوسرا گروہ سو وہ اس طرح نکلے کہ نہ تو انھوں نے اللہ کا ذکر کثرت سے کیا نہ اس کو یاد کیا اور نہ فساد سے کنارہ کشی کی اور انھوں نے بادل نخواستہ ہی اپنا خرچ کیا اور جو کچھ بھی انھوں نے اپنے مال میں سے خرچ کیا اس کو بوجھ اور تاوان سمجھا اور شیطان نے ان سے گفتگو کی، اور جب وہ قتال کی جگہوں پر پہنچے تو آخری آخری اور ناکام ناکام لوگوں میں تھے اور انھوں نے پہاڑوں کی چوٹیوں پر پناہ حاصل کی اور دیکھتے رہے کہ لوگ کیا کرتے ہیں اور جب اللہ غنیمت پر قادر ہوئے تو اس میں اللہ پر جرات کی اور شیطان نے ان کو یہ سمجھایا کہ یہ غنیمت ہے اور ان کو کچھ سہولت ملی تو اکڑنے لگے اور انھیں تنگی ہوئی تو شیطان نے انھیں فتنے میں مبتلا کیا پیش کر کرکے، سو ان کے لیے مومنین کے اجر میں سے کوئی چیز نہیں علاوہ اس کے کہ ان کے جسم ان کے جسموں کے ساتھ ہوں کے اور ان کا چلنا ان کے چلنے کے ساتھ ہوگا، اور ان کی نیتیں اور اعمال بکھرے ہوئے ہیں یہاں تک کہ اللہ تعالیٰ ان کو قیامت کے دن جمع فرمائیں گے اور پھر ان کو جدا کردیا جائے گا۔

11344 ۔۔۔ حضرت معاذ (رض) سے مروی ہے فرمایا کہ ایک پکارنے گا کہ کہاں ہیں وہ لوگ جن کو اللہ کے راستے میں تکلیف دی گئی ، تو صرف مجاہدین ہی کھڑے ہوں گے۔

11345 ۔۔۔ حضرت نواس بن سمعان (رض) سے مروی ہے فرمایا کہ رسول اللہ (صلی اللہ علیہ وآلہ وسلم) کو اللہ تعالیٰ نے فتح سے نواز تو میں جناب نبی کریم (صلی اللہ علیہ وآلہ وسلم) کے پاس آیا اور عرض کیا کہ یا رسول اللہ ! گھوڑوں کو آزاد کردیا گیا، اسلحہ رکھ دیا گیا اور جنگ اپنے کیل کانٹے سے فارغ ہوگئی اور لوگوں نے کہا کہ اب قتال ختم ہوگیا ہے، تو جناب نبی کریم (صلی اللہ علیہ وآلہ وسلم) نے فرمایا کہ انھوں نے جھوٹ کہا اب ہی توقتال کا وقت آیا ہے، قوموں کے دل ٹیڑھے ہوجاتے ہیں تو ان سے قتال کرتے ہو سو اللہ تعالیٰ تمہیں انسے رزق دیتا ہے یہاں تک کہ اللہ کا حکم آجائے اس پر اور مسلمانوں کے گھر کا درمیانی علاقہ شام ہوگا (مسند ابی یعلی)

11346 ۔۔۔ حضرت ابوامامۃ (رض) سے مروی ہے فرمایا کہ ایک شخص نے رسول اللہ (صلی اللہ علیہ وآلہ وسلم) سے سیاحت کی اجازت مانگی تو آپ (صلی اللہ علیہ وآلہ وسلم) نے فرمایا کہ اللہ کے راستے میں جہاد کرنا ہی میری امت کی سیاحت ہے “۔ (ابن ماجہ)

11347 ۔۔۔ حضرت ابوالدرداء (رض) سے مروی ہے فرمایا کہ اگر تم چاہو تو میں تمہارے لیے اللہ کی قسم کھالوں کہ بیشک تمہارے سب سے بہتر اعمال میں جہاد اور مسجدوں کی طرف جانا ہے “۔ (ابن زنجویہ)

11348 ۔۔۔ حضرت ابوالدرداء (رض) سے مروی ہے فرمایا کہ اللہ تعالیٰ کسی شخص کے پیٹ میں وہ غبار جو اللہ کے راستے میں اس کے پیٹ میں گیا اور جہنم کا دھواں جمع نہ کریں گے، اور جس کے دونوں پیر اللہ کے راستے میں غبار آلود ہوگئے تو اس کے سارے جسم کو اللہ تعالیٰ آگ پر حرام کردیں گے، اور جس نے ایک دن اللہ کے راستے میں روزہ رکھا تو اللہ تعالیٰ اس کو آگ سے ایک ہزار سال کی مسافت کے بقدر دور کردیں گے جو نہایت تیز رفتار مسافر طے کرلے، اور جس کو اللہ کے راستے میں ایک زخم لگا اس کو شہداء کی مہر لگادی جائے گی وہ قیامت کے دن اس طرح آئے گا کہ اس کا رنگ تو زعفران کے رنگ کی مانند ہوگا اور اس کی خوشبو مشک کی طرح ہوگی ، اس خوشبو سے اس کو پہلے اور بعد والے سب پہچان لیں گے اور کہیں گے کہ فلاں پر شہداء کی مہر ہے اور جس نے ایک اونٹ کی ہچکی کے برابر بھی اللہ کے راستے میں قتال کیا تو اس کے لیے جنت واجب ہوگئی “۔ (مسند احمد)

11349 ۔۔۔ حضرت ابوالدرداء (رض) سے مروی ہے فرمایا کہ رسول اللہ (صلی اللہ علیہ وآلہ وسلم) نے بنوحارثہ میں سے ایک شخص سے فرمایا کہ اے فلاں ! کیا تو غزوے میں حصہ نہ لے گا ؟ تو اس نے عرض کای یارسول اللہ ! میں نے کھجور کا چھوٹا پودا لگایا (بویا) ہے اور اگر میں نے غزوے میں شرکت کی تو مجھے ڈر ہے کہ کہیں وہ ضائع نہ ہوجائے، تو رسول اللہ (صلی اللہ علیہ وآلہ وسلم) نے ارشاد فرمایا کہ غزوہ میں شرکت تیرے پودے کے لیے بہتر ہے، فرمایا کہ پھر اس شخص نے غزوہ میں شرکت کی، اور اپنے پودے کو پہلے سے بہتر اور عمدہ پایا “۔ (دیلمی)

11350 ۔۔۔ حضرت شعبہ ، اذرق بن قیس سے اور وہ عسعس سے روایت کرتے ہیں فرمایا کہ رسول اللہ (صلی اللہ علیہ وآلہ وسلم) کو ایک شخص کی عدم موجودگی کے بارے میں علم ہوا تو آپ (صلی اللہ علیہ وآلہ وسلم) نے اس کے بارے میں دریافت فرمایا، تو وہ آیا اور عرض کیا یا رسول اللہ (صلی اللہ علیہ وآلہ وسلم) میں چاہتا تھا کہ اس پہاڑ پر چلا جاؤں اور تنہارہوں اور عبادت کروں ، تو آپ (صلی اللہ علیہ وآلہ وسلم) نے ارشاد فرمایا کہ اسلام میں کسی میدان جنگ پر تم میں سے جب کوئی ناپسندیدہ کام پر گھڑی بھر صبر کرتا ہے تو وہ صبر تنہائی میں چالیس سال عبادت کرنے سے بہتر ہے “۔ (بیھقی فی شعب الایمان)

اور فرمایا کہ اسی روایت کو حماد بن سلمہ نے ازرق بن قیس سے اور انھوں نے عسعس سے اور انھوں نے ابوحاضر سے اور انھوں کے رسول اللہ (صلی اللہ علیہ وآلہ وسلم) سے روایت فرمایا اور اس میں ساٹھ سال کا ذکر ہے۔

11351 ۔۔۔ ابوحماس روایت کرتے ہیں عسعس بن سلامۃ سے فرمایا کہ ہم جبابہ میں تھے اور حضرت ابوحاضر الاسدی (رض) بھی ہمارے ساتھ تھے، تو قوم میں سے ایک آدمی نے کہا کہ میرا جی چاہتا ہے کہ ہمارا اس وادی حبانہ میں ایک محل ہو جس میں اتنا کھانا اور لباس ہو ایک مرتبہ جناب رسول اللہ (صلی اللہ علیہ وآلہ وسلم) نے اپنے بعض صحابہ کو موجود نہ پایا اور ان کے بارے میں دریافت فرمایا تو بتایا گیا کہ وہ اس علاقے کے کسی حصے میں الگ تھلگ ہو کر عبادت کرتے ہیں، تو آپ (صلی اللہ علیہ وآلہ وسلم) نے ان کو بلوا بھیجا وہ آئے تو آپ (صلی اللہ علیہ وآلہ وسلم) نے دریافت فرمایا کہ تمہیں اس حرکت پر کس نے اکسایا ؟ عرض کیا ، یارسول اللہ ! میری عمر زیادہ ہوگئی، ہٖڈیاں نرم ہوگئیں اور وقت قریب آگیا تو میں نے یہپ پسند کیا کہ میں تنہا ہوجاؤں اور اپنے رب کی عبادت کروں، سو رسول اللہ (صلی اللہ علیہ وآلہ وسلم) نے بلند آواز سے پکارا (اور جب) آپ (صلی اللہ علیہ وآلہ وسلم) چاہتے کہ لوگوں کو کوئی بات بتائیں تو اسی طرح ہمارے اندر بلند آواز کرتے تھے۔

سنو ! مسلمانوں کے میدان جنگ میں سے ایک میدان جنگ بھی کسی شخص کی تنہا ساٹھ سال کی عبادت سے بہتر ہے، اس جملے کو تین مرتبہ پکارکر فرمایا “۔ (بیھقی فی شعب الایمان)

11352 ۔۔۔ حضرت ابوعطیہ سے مروی ہے فرمایا کہ جناب رسول اللہ (صلی اللہ علیہ وآلہ وسلم) کے عہد مبارک میں ایک شخص وفات پا گیا تو بعض لوگوں نے کہا کہ یا رسول اللہ ! اس کی نماز جنازہ نہ پڑھیئے، تو آپ (صلی اللہ علیہ وآلہ وسلم) نے لوگوں سے دریافت فرمایا کہ کیا تم میں سے کسی نے اس کو خیر کا کوئی کام کرتے دیکھا ہے ؟ تو ایک شخص نے عرض کیا کہ اس نے فلاں فلاں رات ہمارے ساتھ چوکیداری کی تھی، تو آپ (صلی اللہ علیہ وآلہ وسلم) نے اس کی نماز جنازہ پڑھی پھر اس کی قبر کی طرف تشریف لے گئے ، اور اس پر مٹی ڈالتے جاتے تھے اور فرماتے کہ تیرے ساتھی یہ سمجھتے ہیں کہ تو اہل جہنم میں سے ہے، اور میں گواہی دیتا ہوں کہ تو اہل جنت میں سے ہے، پھر فرمایا کہ اے عمر ! بیشک تم سے لوگوں کے اعمال کے بارے میں نہیں پوچھا جائے گا تم سے تو صرف فطرت کے بارے میں پوچھا جائے گا “۔

11353 ۔۔۔ حضرت ام حرام (رض) سے مروی ہے فرمایا کہ جناب رسول اللہ (صلی اللہ علیہ وآلہ وسلم) پاس تشریف لائے اور دریافت فرمایا کہ ابوالولید کہا ہیں ؟ تو میں نے عرض کیا کہ ابھی آپ کی خدمت اقدس میں حاضر ہوں گے ، پھر میں نے آپ (صلی اللہ علیہ وآلہ وسلم) کے لیے تکیہ رکھا، تو آپ (صلی اللہ علیہ وآلہ وسلم) اس پر تشریف فرما ہوئے اور ہنسے ، میں عرض کیا کہ آپ کس بات پر ہنسے یا رسول اللہ ؟ فرمایا کہ میں نے اپنی امت کا پہلا لشکر دیکھا، جو سمندر میں سوار ہیں اور انھوں نے اپنے لیے جنت واجب کردی ، میں نے عرض کیا کہ رسول اللہ ! میرے لیے دعا کیجئے کہ اللہ تعالیٰ مجھے بھی ان میں سے بنادے تو آپ (صلی اللہ علیہ وآلہ وسلم) نے فرمایا کہ اے میرے اللہ آپ اس کو انہی میں سے بنادیجئے ، پھر آپ (صلی اللہ علیہ وآلہ وسلم) ہنسے ، پھر میں نے عرض کیا آپ کس بات پر ہنسے ؟ فرمایا کہ میری امت کا پہلا لشکر جو قیصر کے شہر کا محاصرہ کئے ہوئے ہے اور اس کی مغفرت ہوگئی “۔

11354 ۔۔۔ ام المومنین حضرت عائشہ صدیقہ (رض) سے روایت ہے فرمایا کہ مردوں کو کس چیز نے عاجز کردیا، اگر میں مرد ہوتی تو میں صرف اللہ کی راہ میں مورچہ بندی ومحاصرہ بندی کرتی، جس نے اونٹنی کی ایک ہچکی برابر بھی مورچہ بندی کی تو اللہ تعالیٰ اس کو آگ پر حرام کردیتے ہیں اور جس کے دونوں پیر اللہ کے راستے میں غبار آلود ہوگئے تو اس کو آگ کی لپیٹ نہ پہنچ سکے گی “۔ (ابن زبجویہ)

11355 ۔۔۔ ام المومنین حضرت عائشہ صدیقہ (رض) سے مروی ہے فرمایا کہ اگر جہاد عورتوں پر فرض کیا جاتا تو وہ ضرور مورچہ بندی کو اختیار کرتیں “۔ (ابن زنجویہ)

11356 ۔۔۔ ام المومنین حضرت عائشہ صدیقہ (رض) سے مروی ہے فرمایا کہ ایک مرتبہ نکلی تو دیکھا کہ جناب رسول اللہ (صلی اللہ علیہ وآلہ وسلم) اپنی مبارک چادر سے اپنے گھوڑے کی پشت کو صاف فرما رہے ہیں، میں نے عرض کیا کہ میرے ماں باپ آپ پر قربان ہوں یا رسول اللہ ! کیا آپ اپنے کپڑوں سے اپنے گھوڑے کو صاف فرما رہے ہیں ؟ فرمایا کہ ہاں اے عائشہ ! تمہیں کیا معلوم شاید یہ حکم مجھے میرے رب نے دیا ہو ؟ باوجود اس کے کہ میں قرب رکھتا ہوں “ اور بیشک فرشتے مجھ سے ناراض ہوتے ہیں گھوڑے کو چھونے اور صاف کرنے پر، تو میں نے عرض کیا کہ، اے اللہ کے نبی ! آپ مجھے مقرر فرمایئے کہ آپ کا یہ کام میں کردوں، تو فرمایا کہ میں ایسا نہیں کروں گا، تحقیق مجھے میرے دوست جبرائیل نے بتایا ہے کہ اللہ تعالیٰ میرے لیے ہر دانے کے بدلے جو میں اس کو دوں گا ایک نیکی لکھیں گے اور میرا رب ہر دانے کے بدلے کے بدلے مجھ سے ایک برائی دور فرمائیں گے، ہر مسلمان جس نے اللہ کے راستے میں گھوڑا باندھا تو اس کے لیے ہر دانے کے بدلے جو وہ اس کو دے گا نیکی لکھیں گے اور ہر دانے کے بدلے ایک برائی دور فرمادیں گے “۔