١٣٠٤۔۔ ایام جاہلیت میں مرجانے والے اپنے آباء پر فخر گھمنڈ مت کرو، قسم ہے اس ذات کی جس کے قبضہ میں میری جان ہے یہ گندگی میں منہ مارنے والاگبریلا کی مانند جانور ان سے بدرجہا بہتر ہے۔ الکبیر للطبرانی ، المصنف عبدالرزاق، بروایت ابن عباس (رض)۔

١٣٠٥۔۔ ایام جاہلیت میں مرجانے والے اپنے اباء پر فخر و گھمنڈ مت کرو قسم ہے اس ذات کی جس کے قبضہ میں میری جان ہے یہ گندگی میں منہ مارنے والاگبریلا کی مانند جانور ان ایام جاہلیت میں مرجانے والوں سے بدرجہا بہتر ہے۔ ابوداؤد ، مسنداحمد، بروایت ابن عباس۔

علامہ ہیثمی فرماتے ہیں مسنداحمد کے رجال صحیح ہیں۔ مجمع، ج ٨، ص ٨٥۔

١٣٠٦۔۔ ہرنومولود فطرت اسلام پر پیدا ہوتا ہے حتی کہ وہ بات چیت کرنے کے لائق ہوتا ہے پھرس کے ماں باپ اس کو یہودی یا نصرانی یامجوسی بنادیتے ہیں۔ المسندابی یعلی، طبرانی، بیہیقی، بروایت الاسود ابن سریع۔

١٣٠٧۔۔ ہرنومولود فطرت پر پیدا ہوتا ہے پھر اس کے ماں باپ اس کو یہودی یا نصرانی یا مشرک بنادیتے ہیں پوچھا گیا اور اس سے قبل جو مرگئے فرمایا اللہ بہتر جانتا ہے جس پر وہ عمل کرنے والے تھے۔ ترمذی، بروایت ابویرہرہ۔ شرح۔۔ یعنی جو بچے سن شعور تک پہنچنے سے قبل وفات پاگئے اور وہ کافروں کے بچے ہیں ان کا کیا ہوگا، تو اس معاملہ کو حضور نے اللہ کے سپرد فرمادیا۔ اور یہی محتاط اور مناسب طریقہ ہے۔

١٣٠٨۔۔ ہرنومولود فطرت پر پیدا ہوتا ہے پھر اس کے ماں باپ اس کو یہودی یا نصرانی یامجوسی بنادیتے ہیں، جس طرح جانور درست اعضا والابچہ جنتا ہے کیا تم اس میں کوئی نک کٹایا کوئی اور عضو کٹا دیکھتے ہو ؟ بخاری و مسلم، السنن لابی داؤد، بروایت ابوہریرہ (رض)۔

١٣٠٩۔۔ کوئی زانی زنا کے وقت مومن نہیں رہتا، اور کوئی چور چوری کے وقت مومن نہیں رہتا ہے اور کوئی شراب نوشی کرنے والاشراب نوشی کے وقت مومن نہیں رہتا اور کوئی قاتل قتل کے وقت مومن نہیں رہتا۔ مسنداحمد، النسائی، صحیح بخاری، بروایت ابن عباس (رض)۔

١٣١٠۔۔ کوئی زانی زنا کے وقت مومن نہیں رہتا اور کوئی شراب نوشی کرنے والاشراب نوشی کے وقت مومن نہیں رہتا، اور کوئی چور چوری کے وقت مومن نہیں رہتا، اور کوئی ڈاکہ زن کسی اعلی شے پر ڈاکہ ڈالتے وقت مومن نہیں ہوتا، جب کہ لوگ اس کی طرف بےبس نظریں اٹھائے دیکھ رہے ہوتے ہیں۔ مسنداحمد، بخاری مسلم، النسائی، ابن ماجہ، بروایت ابوہریرہ (رض)۔ مسنداحمد، یہ اضافہ ہے کہ اور کوئی خیانت کے وقت مومن نہیں ہوتا۔ سوا اجتناب کرواجتناب کرو۔

١٣٠١١۔۔ کوئی زانی زنا کے وقت مومن نہیں رہتا، اور کوئی چور چوری کے وقت مومن نہیں رہتا، اور کوئی شراب نوشی کرنے والاشراب نوشی کے وقت مومن نہیں رہتا، لیکن اس کے بعد توبہ پیش ہوتی ہے۔ الصحیح لمسلم، بروایت ابوہریرہ (رض)۔

١٣١٢۔۔ ایمان کی مثال قمیص کی سی ہے۔ جس کو کبھی زیب تن کرلیاجاتا ہے اور کبھی اتار پھینکا جاتا ہے۔ ابن قانع بروایت معدان۔ نہایت ضعیف روایت ہے۔ المعیر ص ١٢٢۔۔

١٣١٣۔۔ ایمان تمہارے شکم میں مثل بوسیدہ کپڑے کے پرانا ہوجاتا ہے پس اللہ سے سوال کرو کہ وہ تمہارے قلوب میں ایمان کو تازہ کردے۔ الکبیر للطبرانی، المستدرک للحاکم، بروایت ابن عمر (رض) حدیث کی اسناد حسن ہے۔ مجمع ج ١، ص، ٥٢۔

١٣١٤۔۔ اللہ تعالیٰ نے ظلمت وتاری کی میں اپنی مخلوق پیدا فرمائی پھر ان پر اپنانور ڈالا، سو جس کو وہ نور پہنچا ہدایت یاب ہوا اور جو رہ گیا وہ گمراہ ہوا۔ مسنداحمد، ترمذی، المستدرک للحاکم، بروایت ابن عمر (رض)۔

١٣١٥۔۔ تم پچھلی خیر کے ساتھ اسلام میں داخل ہوئے ہو۔ مسنداحمد، بخاری مسلم، بروایت حکیم بن حزام (رض) ۔

شرح۔۔ یعنی زمانہ جاہلیت میں تم نے جو خیر کے امورسرانجام دیے تھے ان کا ثواب تم کو حاصل ہوگا۔

١٣١٦۔۔ اگر مجھ پردس یہودی ایمان لے آئیں تو تمام یہودی ایمان لے آئیں۔ صحیح بخاری ، بروایت ابوہریرہ (رض)۔ یہاں دس یہود سے ان کے علماء مراد ہیں دوسری روایت سے اس کی تائید ہوتی ہے اور اس سے یہودیوں کی ہٹ دھرمی بیان کرنا مقصود ہے اور درحقیقت حدیث مذکور قرآن کی اس آیت کی وضاحت تفسیر ہے۔ لتجدن اشد الناس عداوۃ للذین امنوالیھود۔ یعنی اے نبی ! تم مومنوں کے لیے سب سے سخت دشمن یہود کو پاؤ گے۔

١٣١٧۔۔ جس کو اللہ کی طرف سے کوئی بات پہنچی مگر اس نے اس کی تصدیق نہ کی اور وہ اس کو حاصل نہ کرسکے گا۔ الاوسط للطبرانی ، بروایت انس (رض)۔

١٣١٨۔۔ اللہ حکیم ہے اور اسی کی طرف سب حکم لوٹتے ہیں۔ السنن لابی داؤد، النسائی، ابن حبان، المستدرک للحاکم، بروایت ھائی بن یزید۔

١٣١٩۔۔ ہر موجد اور اس کی ایجاد کا موجد وصانع اللہ ہے۔ البخاری، فی خلق افعال العباد المستدرک للحاکم، البیہیقی فی الاسمائ، بروایت حزیفہ (رض) ۔

١٣٢٠۔۔ تم سے قبل لوگوں کو اس طرح دین کے بارے میں ستایا جاتا کہ ایک شخص کو پکڑاجاتا ہے اور زمین میں گڑھا کھود کر اس کے اندر اس کو ڈالا جاتا اور اوپر سے سرپرآرا راکھ دوٹکڑے کردیاجاتا۔ لیکن اس کے باوجود وہ اس کو اس کے دین سے منحرف نہ کرسکتے تھے اس طرح لوہے کی کنگھیوں سے اس کے بدن کو چھلتی کرتے ہوئے اس کی ہڈیوں اور پٹھوں تک پہنچا دیتے ۔ لیکن اس کے باوجود وہ اس کو اس کے دین سے منحرف نہ کرسکتے تھے اور اللہ کی قسم یہ دین مکمل وتام ہو کر رہے گا۔۔ حتی کہ ایک سوار صنعاء سے حضرت موت تک خدا کے سوا کسی اور کے خوف کے دامن گیر کیے بغیر چلا جائے گا اور بھیڑیے سے بکریوں کو امن ملے گا۔ لیکن تم عجلت باز ہو۔ مسنداحمد، بخاری، ابوداؤد، ترمذی، بروایت خباب (رض) ۔

١٣٢١۔۔ جاؤ اور پانی اور بیری کے پتوں سے غسل کرو اور ان کفر کے بالوں سے نجات حاصل کرو۔ الکبیر للطبرانی، بروایت واثلہ (رض) ۔

١٣٢٢۔۔ اپنے سے ان کفر کے بالوں کو دور کرو ، (اور سنت ختنہ کی ادائیگی کرو) مسنداحمد، السنن ابی داؤد، بروایت ابی کلیب۔

١٣٢٣۔۔ ایمان قمیص کی طرح ہے جس کو آدمی کبھی زیب تن کرلیتا ہے اور کبھی اتا ر پھینکتا ہے۔ الحکیم وابن مردویہ، عن عتبہ بن عبداللہ بن خالد، بن معدان، عن ابیہ عن جدہ۔ ضعیف روایت ہے۔ المغیر، ص ١٢٢۔