٤٠٨١٥۔۔۔ صفوان ! گوشت اپنے منہ کے قریب کرو وہ زیادہ لذت اور آسانی کا باعث ہے۔ مسنداحمد طبرانی فی الکبیر، حاکم، حاکم عن صفوان بن امیۃ

٤٠٨١٦۔۔۔ تم میں سے ہرگز کوئی اپنے بھائی کے لقمہ کی طرف نہ دیکھے۔ الحسن بن سفیان عن ابی عمرمولی عمر

٤٠٨١٧۔۔۔ جب تم میں سے کوئی پکانے کے لیے گوشت خریدے تو اس کا شوربازیادہ کردے اگر کسی کو گوشت نہ ملے تو اسے شوربامل جائے گا جو ایک گوشت کا حصہ ہے اپنے پڑوسی کو ڈولی بھرکردے دے۔ بیہقی فی الشعب عن علقمۃ بن عبداللہ المزنی عن ابیہ

٤٠٨١٨۔۔۔ جب تو ہنڈیاپکائے تو اس کا شوربابڑھادے کیونکہ وہ گھروالوں اور پڑوسی کے لیے کافی ہے۔ بیہقی فی الشعب عن ابی ذر

40819 ۔۔۔ جب تم ہنڈ یاپکاؤتو پانی بڑھا دو اور پڑوسیوں کو ڈال دو ۔ ابوالشیخ فی الثواب عن عائشۃ

٤٠٨٢٠۔۔۔ خبردار، پیٹ سے زیادہ کوئی بھرا ہوابرتن برا نہیں اگر تم نے اسے بھرناہی ہے تو ایک تہائی کھانے کے لیے ایک تہائی پانی کے لیے اور ایک تہائی ہوا اور سانس کے لیے بنادو۔ طبرانی فی الکبیر عن عبدالرحمن بن موقع

٤٠٨٢١۔۔۔ جس نے دستر خوان کے نیچے گرے ریزے کھائے وہ فقروفاقہ سے محفوظ رہے گا۔ الخطیب فی المؤتلف عن ھدبہ بن خالد عن حمادبن سلمۃ عن ثابت عن انس، قال ابن حجر فی اطراف المختارۃ، سندھ عن ھدبۃ علی شرط مسلم والمنن منکرفلینظر فیمن دون ھدبۃ

٤٠٨٢٢۔۔۔ جس نے کھانے کے ریزے دسترخوان پر سے اٹھاکرکھائے تو وہ رزق کی کشادگی میں رہے گا اور اپنے بیٹوں پوتوں میں حماقت سے محفوظ رہے گا۔ الباوردی عن الحجاج بن علاط السلمی

٤٠٨٢٣۔۔۔ جس نے دسترخوان کے ریزے کھائے اس سے فقر اور اس کی اولاد سے حماقت دورکردی جائے گی۔ الحسن بن معروف فی فضائل بنی ہاشم، الخطیب وابن النجارعن ابن عباس، کلام۔۔۔ المتناھیۃ ١١۔ ١١

٤٠٨٢٤۔۔۔ جس نے دستر خوان کے ریزے کھائے وہ وسعت کی زندگی گزارے گا اور اپنے بیٹے اور پوتے میں حماقت سے محفوظ رہے گا۔ ابن عساکر عن ابوہریرہ ، وفیہ اسحاق بن نجیح کذاب

٤٠٨٢٥۔۔۔ جس نے گرا ہواکھانا کھایا اللہ تعالیٰ اس کے گناہ بخش دے گا۔ ابوالشیخ عن نیشہ الخیر

٤٠٨٢٦۔۔۔ تم میں سے جس کالقمہ گرجائے وہ اس سے مٹی صاف کرکے بسم اللہ پڑھ کر کھائے۔ الدارمی وابو عوانۃ ابن حبان عن انس

٤٠٨٢٧۔۔۔ جس نے کسی برتن میں کھایا اور اسے چاٹ لیاتو وہ برتن اس کے لیے دعائے مغفرت اور دفع درجات کی دعا کرتا ہے۔ الحکم عن انس

٤٠٨٢٨۔۔۔ میں برتن کو چاٹ لوں یہ مجھے اس جیسا کھانا صدقہ کرنے سے زیادہ پسند ہے۔ الحسن بن سفیان عن رابطلۃ عن ابیھا

٤٠٨٢٩۔۔۔ جب آدمی برتن چاٹ لیتا ہے تو وہ اس کے لیے دعائے مغفرت کرتے ہوئے کہتا ہے : اے اللہ ! اسے جہنم سے آزاد کردے جیسے اس نے مجھے شیطان سے آزاد کیا۔ الدیلمی عن سمان عن انس کلام۔۔۔ تذکرۃ الموضوعات ١٤٢، التزیہ ٢، ٢٦٧۔

٤٠٨٣٠۔۔۔ تم میں سے ہرگز کوئی اپنی انگلیاں چاٹنے سے پہلے کپڑے سے ہاتھ صاف نہ کرے اس واسطے کہ اسے پتہ نہیں کہ اس کے کس کھانے میں برکت ہے اور شیطان انسان کے ہر کام میں شریک ہونے کے انتظار میں رہتا ہے یہاں تک کہ اس کے کھانے کے وقت میں بھی برتن کو چاٹنے یاچٹانے سے پہلے نہ اٹھایا جائے کیونکہ کھانے کے آخری حصہ میں برکت ہوتی ہے۔ حاکم، بیہقی فی الشعب عن جابر

٤٠٨٣١۔۔۔ جب تم میں سے کوئی کھانا کھائے اور اس کے ہاتھ سے لقمہ گرجائے تو اسے صاف کرکے کھالے اسے شیطان کے لیے نہ چھوڑے اور انگلیاں چاٹنے سے پہلے اپنا ہاتھ تو لیے سے صاف نہ کرے، کیونکہ آدمی کو پتہ نہیں کہ اس کے کس کھانے میں برکت ہوگی کیونکہ شیطان انسان کی ہر حالت کا منتظر رہتا ہے یہاں تک کہ کھانے کا بھی، اور انگلیاں چاٹنے اور چٹائے بغیر برتن نہ اٹھایا جائے کیونکہ کھانے کے آخری حصہ میں برکت ہوتی ہے۔ ابن حبان، بیہقی عن جابر

٤٠٨٣٢۔۔۔ جب تم میں سے کوئی کھانا کھائے توانگلیاں چانے بغیر ہاتھ نہ پونچھے اس واسطے کہ اسے پتہ نہیں کہ اس کے کس کھانے میں برکت ہوگی۔ طبرانی فی الکبیر عن ابی سعید

٤٠٨٣٣۔۔۔ جب تم میں کا کوئی کھانا کھاے تو تین انگلیاں چاٹے بغیر اپنا ہاتھ نہ پونچھے۔ مسنداحمد، الدارمی وابوعوانہ، ابن حبان عن انس

٤٠٨٣٤۔۔۔ جب تم میں سے کوئی کھانا کھائے تو وہ اپنی انگلیاں چاٹ لے اس لیے کہ اسے پتہ نہیں کہ اس کے کس کھانے میں برکت ہے۔ بیہقی فی الشعب عن جابر