17326 اس (سفید رنگ) کو کسی چیز کے ساتھ تبدیل کرلو اور سیاہ رنگ بےاجتناب کرو۔

مسلم ، ابوداؤد ، النسائی ، ابن ماجہ، ابن حبان، مستدرک الحاکم عن جابر (رض)

17327 اس سفید رنگ کو بدل لو، اہل کتاب کے ساتھ مشابہت اختیار نہ کرو ڈاڑھی کو بڑھتا ہوا چھوڑو اور مونچھیں کاٹتے رہو۔ الشیرازی فی الالقاب عن ابوہریرہ (رض)

17328 سفیدی بدل لو اور یہود کے ساتھ مشابہت اختیار کرو اور نہ سیاہ رنگ استعمال کرو۔

السنن للبیہقی عن ابوہریرہ (رض)

17329 سفیدی کو بدل دو اس سے تمہاری جوانی ، خوبصورتی اور عورتوں کے ساتھ جماع کرنے میں اضافہ ہوگا۔ الدیلمی عن انس (رض)

17330 اس کو بدل دو اور سیاہی سے اجتناب کرو۔ ابن حبان عن انس (رض)

17331 اللہ تعالیٰ قیامت کے روز اس شخص کو (نظررحمت سے) نہ دیکھے گا جو سیاہ رنگ کا خضاب استعمال کرے۔ ابن سعد عن عامر، مرسلاً

17332 ایک قوم آخر زمانے میں سیاہ رنگ کا خضاب لگائے گی کبوتروں کے پپوٹوں کی طرح ، وہ لوگ جنت کی خوشبو بھی نہ پائیں گے۔ ابوداؤد، النسائی عن ابن عباس (رض)

کلام : امام منذری (رح) فرماتے ہیں اس کی سند میں عبدالکریم ہے جس کی حدیث قابل حجت نہیں ہوتی اسی کی وجہ سے یہ حدیث ضعیف ہے۔ عون العبوذ 266/11 ۔

17333 جس نے سیاہ رنگ کے ساتھ خضاب کیا اللہ پاک قیامت میں اس کو سیاہ چہرہ بنائے گا۔ الکبیر للطبرانی عن ابی الدرداء (رض)

کلام : جنتہ الرتاب 483، ذخیرۃ الحفاظ 5285 ۔

17334 جو اسلام میں بوڑھا ہوگیا یہ بڑھاپا قیامت کے دن اس کے لیے نور ہوگا جب تک کہ اس کو تبدیل نہ کرے۔ الحاکم فی الکنی عن ام سلمۃ (رض)

کلام : ضعیف الجامع :5639، المشتھر 151 ۔

17335 اللہ تعالیٰ انتہائی سیاہ بال بنانے والے بوڑھے سے نفرت فرماتا ہے۔

الکامل لابن عدی عن ابوہریرہ (رض)

کلام : ذخیرۃ الحفاظ 1005، ضعیف الجامع :1688 ۔

17336 جس نے سیاہ رنگ کا خضاب کیا قیامت کے دن اللہ اس کی طرف نظر (رحمت) نہ کرے گا اور جس نے سفید بالوں کو نوچا اللہ پاک قیامت کے دن آگ کے گرز بنادے گا۔

مستدرک الحاکم عن عمرو بن شعیب عن ابیہ عن جدہ

17337 مردوں کی خوشبو وہ ہے جس کی خوشبو مہ کے اور اس کا رنگ مدہم ہو۔ عورتوں کی خوشبو وہ ہے جس کا رنگ ظاہر ہو اور اس کی خوشبو مدہم ہو۔

الترمذی عن ابوہریرہ (رض) ، الکبیر للطبرانی ، الضیاء عن انس (رض)

17338 مردوں کی بہترین خوشبو وہ ہے جس کی خوشبو تیز ہو اور رنگ ہلکا ہو۔ عورتوں کی بہترین خوشبو وہ ہے جس کی خوشبو ہلکی اور رنگ تیز ہو۔ الضعفاء لعقیلی عن ابی موسیٰ (رض)

کلام : ضعیف الجامع :2913 ۔

17339 آدمیوں کی بہترین خوشبو تیز مہک والی مدہم رنگ والی ہے اور عورتوں کی بہترین خوشبو تیز اور شوخ رنگ والی ہلکی خوشبو ہے۔ الترمذی عن عمران بن حصین

17340 جب تم میں سے کسی کو خوشبو پیش کی جائے وہ اس کو واپس نہ کرے کیونکہ خوشبو جنت سے نکلی ہے۔ ابوداؤد فی مراسیلہ، النسائی عن عثمان النھدی مرسلاً

17341 بہترین خوشبو مشک ہے۔ مسند احمد، مسلم، ابوداؤد عن ابی سعید (رض)

17342 کرامت (کوئی عزت دے تو اس) کو قبول کرو۔ بہترین کرامت خوشبو ہے جس کا بوجھ ہلکا ہے اور خوشبو عمدہ ہے۔ الدارقطنی فی الافراد، الاوسط للطبرانی عن زینب بنت جحش

کلام : ضعیف الجامع :1059 ۔

17343 جس پر خوشبو پیش کی جائے وہ اس کو رد نہ کرے کیونکہ یہ ہلکا بوجھ ہے لیکن اچھی خوشبو ہے۔ مسند احمد، النسائی عن ابوہریرہ (رض)

17344 اہل جنت کی خوشبوؤں کی سردار مہندی ہے۔

الکبیر للطبرانی، التاریخ للخطیب عن ابن عمرو

کلام : الاسرار المرفوعۃ 465، اسنی المطالب 761 ۔

17345 مرزنجوش (دونا مروا) ضرور لو اور اس کو سونگھو وہ بند ناک کے نتھنوں کے لیے بہترین چیز ہے۔ ابن السنی ، ابونعیم فی الطب عن انس (رض)

کلام : النتکیت والا فادہ 145، ضعیف الجامع :4777 ۔