20059 ۔۔۔ جب شام کا کھانا سامنے رکھ دیا جائے اور نماز (مغرب) کے لیے اذان ہوجائے تو پہلے کھانا کھالو پھر نماز پڑھ لو۔ معبدالرزاق عن انس (رض))

20060 ۔۔۔ کوئی بندہ نماز کے لیے کھڑا نہ ہو جب کہ اس کو حاجت ہو (ابن ماجہ عن ابوہریرہ (رض))

20061 ۔۔۔ کھانے کی حاضری کے بعد نماز نہیں اور نہ ایسے وقت نماز ہے جب کہ پیشاب پاخانے کا زور ہو (مسلم ابو داؤد عن عائشہ (رض))

20062 ۔۔۔ جب نماز کھڑی ہوجائے اور آدمی کو بیت الخلاء جانے کی ضرورت ہو تو پہلے بیت الخلاء جائے ۔ ممؤطا امام مالک الشافعی مسند احمد الترمذی النسائی ابن ماجہ ابن حبان مستدرک الحاکم السنن للبیھقی عن عبداللہ بن ارقم)

20063 ۔۔۔ حضور (صلی اللہ علیہ وآلہ وسلم) نے نماز سے منع فرمایا اس حال میں کہ نمازی کو پیشاب پاخانے کا دباؤ ہو (ابن ماجہ عن ابی امامۃ)

20064 ۔۔۔ جب نماز کھڑے ہونے کا وقت ہوجائے اور کسی کو بیت الخلاء جانے کی حاجت محسوس ہو تو پہلے وہ بیت الخلاء جائے پھر نماز پڑھے اور اس حال میں نماز کو ہرگز نہ آئے کہ اس کو قضائے حاجت کی ضرورت ہو۔ (الکبیر للطبرانی عن عبداللہ بن ارقم)

20065 ۔۔۔ جب نماز کو ہرگز نہ آئے کہ اس کو قضائے حاجت کی ضرورت ہو (الکبیر للطبرانی عن عبداللہ بن ارقم)

20066 ۔۔۔ جب نماز کھڑی ہوجائے اور آدمی کو بیت الخلاء جانے کی ضرورت ہو تو پہلے بیت الخلاء جائے۔ ممؤطا امام مالک الشافعی مسند احمد الترمذی النسائی ابن ماجہ ابن حبان مستدرک الحاکم السنن للبیھقی عن عبداللہ بن ارقم)

20067 ۔۔۔ جب تم کو بیت الخلاء جانے کی حاجت محسوس ہو اور نماز کھڑی ہوجائے تو نماز سے پہلے بیت الخلاء جائے۔ مالضیاء للمفدسی النسائی ابن حبان عن عبداللہ بن ارقم)

20068 ۔۔۔ نماز میں اخبثین (پیشاب پاخانے) سے مدافعت نہ کرو۔ (السنن لسعید بن منصور عن ابوہریرہ (رض))

20069 ۔۔۔ نماز میں دو خبیث چیزوں سے مزاحمت نہ کرو۔ پیشاب پاخانہ۔ عبدالرزاق عن الحسن مرسلا)

20070 ۔۔۔ اس شخص کے لیے حلال نہیں جو اللہ اور یوم آخرت پر ایمان رکھتا ہو کہ پیشاب پاخانے کی تکلیف میں نماز پڑھے حتی کہ ان سے نجات نہ پالے (مستدرک الحاکم عن ابوہریرہ (رض))

20071 ۔۔۔ آدمی کے لیے حلال نہیں ہے کہ وہ حاجت ضرور یہ کے دباؤ میں نماز ادا کرے جب تک کہ وہ ہلکان نہ ہوجائے۔ اور کسی مسلمان کے لیے یہ بھی حلال نہیں کہ کسی قوم کی امام ان کی اجازت کے بغیر کرے۔ اور اس کے لیے یہ بھی حلال نہیں کہ خاص اپنے لیے دعا کرے اور پچھلوں (مقتدیوں) کو چھوڑ دے۔ اگر وہ ایسا کرے گا تو درحقیقت ان کے ساتھ خیانت کا مرتکب ہوگا۔ اور کسی مسلمان کے لیے حلال نہیں کہ کسی کے گھر کے اندر دیکھے اگر اس نے ایسا کیا تو گویا وہ بغیر اجازت اندر جا گھسا۔ (السنن للبیھقی عن ابوہریرہ (رض))

20072 ۔۔۔ کوئی اس حال میں نماز ادا نہ کرے کہ وہ خبائث (پیشاب پاخانے کی تکلیف) محسوس کرے۔ لسنن الکبری للبیھقی عن ابوہریرہ (رض))

20073 ۔۔۔ کوئی اس حال میں نماز ادا نہ کرے کہ اس کو پیشاب پاخانے کی شدت کا سامنا ہو۔ (ابن حبان عن ابوہریرہ (رض))

20074 ۔۔۔ اس حال میں ہرگز کوئی نماز ادا نہ کرے کہ وہ پیشاب پاخانے میں سے کسی تکلیف میں مبتلا ہو۔ مالک بیر للطبرانی عن المسوط بن محرمہ) کلام :۔۔۔ اس میں ایک راوی واقدی ہے جو ضعیف ہے (مجمع الزوائد ۔ 2 ۔ 89 ۔

20075 ۔۔۔ کھانے کی موجودگی میں نماز نہیں اور نہ اس حال میں کہ وہ دو خبیث چیزوں (پیشاب پاخانے) سے مدافعت کررہا ہو ۔ ممستدرک الحاکم عن عائشہ (رض))

20076 ۔۔۔ کوئی بھی شخص کھانے کی موجودگی میں نماز کے لیے کھڑا نہ ہو اور نہ اس حال میں کہ پیشاب پاخانے کی تکلیف کا سامنا ہو۔ مابن حبان عن عائشہ (رض))

20077 ۔۔۔ جب تم میں سے کوئی نماز پڑھے تو وہ ہمیشہ کے لیے رخصت ہونے والے کی طرح نماز پڑھے۔ اس شخص کی نماز جس کو دوبارہ یہ نماز پڑھنے کی امید نہ ہو ۔ (مسند الفردوس للدیلمی عن ام سلمۃ (رض))

20078 ۔۔۔ جب تو نماز کے لیے کھڑا ہو تو آخرت کے سفر پر جانے والے کی طرح نماز پڑھ ۔ ایسی بات منہ سے نہ نکال جس سے کل تجھے معذرت کرنا پڑے ۔ اور جو کچھ لوگوں کے ہاتھوں میں ہے اس سے مایوس ہوجا ۔ (مسند احمد ، ابن ماجہ عن ایوب (رض))