19919 ۔۔۔ جس نے صبح کی (فرض) نماز کی ایک رکعت پڑھی پھر سورج طلوع ہوگیا تو وہ اپنی صبح کی نماز پوری کرے۔ ممستدرک الحاکم عن ابی ھریر (رض))

19920 ۔۔۔ جب تم میں سے کوئی نماز میں بےوضو ہوجائے تو اپنی ناک پکڑ لے (تاکہ دوسروں کو نکسیر پھوٹنے کا گمان ہو اور) پھر چلا جائے۔ مابن ماجہ مستدرک الحاکم ابن حبان السنن للبیھقی عن عائشہ (رض))

19921 ۔۔۔ جب نماز میں کسی کی نکسیر پھوٹ جائے تو وہ مڑ کر چلا جائے خون دھوئے پھر وضو کرے اور نماز میں مشغول ہوجائے۔ مالسنن للدار قطنی الکبیر للطبرانی عن ابن عباس (رض))

19922 ۔۔۔ جب کوئی نماز پڑھے پھر بےوضو ہوجائے تو اپنی ناک کو پکڑ کر چلا جائے ۔ (ابن ماجہ عن عائشہ (رض))

19923 ۔۔۔ نماز میں بات چیت وغیرہ جائز نہیں۔ بلکہ نماز تو تسبیح تکبیر تہلیل اور قرآن پڑھنے کا نام ہے۔ (مصنف عبدالرزاق عن زید بن اسلم)

19924 ۔۔۔ جس نے نماز میں ایسا اشارہ کیا جو جو سمجھ میں آنے والا تھا وہ اپنی نماز لوٹا لے۔ (السنن للدار قطنی عن ابوہریرہ (رض))

19925 ۔۔۔ جس نے نماز میں قہقہہ لگایا اس پر وضو اور نماز کا لوٹانا ٖضروری ہے۔ (الدیلمی عن انس (رض))

19926 ۔۔۔ نماز کو نہیں توڑتا مگر بےوضو ہونا اور بےوضو ہوا نکلنے سے یا گوز مارنے سے (آواز کے ساتھ ہوا نکلنے سے) ہوجاتا ہے۔ مالاوسط للطبرانی عن علی (رض))

19927 ۔۔۔ مسکراہٹ نماز کو نہیں توڑتی لیکن قہقہہ توڑ دیتا ہے (الشیرازی فی الالقاب السنن للبیھقی الخطیب عن جابر (رض))

19928 ۔۔۔ مسکراہٹ سے نماز نہیں ٹوٹتی لیکن قہقہہ نماز کو توڑ دیتا ہے۔ (الصغیر للطبرانی عن جابر (رض))

19929 ۔۔۔ بلی کا (آگے سے) گذر جانا نماز کو نہیں توڑتا کیونکہ بلی گھر میں آنے جانے والی چیز ہے (البزار عن ابوہریرہ (رض))

19930 ۔۔۔ جب کوئی نماز پڑھے اور بےوضوہو جائے تو وہ اپنی ناک کو پکڑ کر واپس چلا جائے (ابن ماجہ عن عائشہ (رض))

19931 ۔۔۔ جس کی نماز میں نکسیر پھوٹ جائے وہ لوٹ جائے اور وضو کر کے پہلی نماز کو پورا کرے ۔ (الدار قطنی وضعفہ عن ابی سعید)

19932 ۔۔۔ جس کو نماز میں نکسیر پھوٹے یا قے ہوجائے تو وہ وضو کرے اور اپنی سابقہ نماز مکمل کرے جب تک بات چیت نہ کی ہو ۔ (البیہقی فی المعرفہ عن عائشہ)

19933 ۔۔۔ جس کو نماز میں نکسیر پھوٹے جائے وہ وضو کرے اور نماز لوٹا لے ۔ (السنن الدارقطنی عن جابر (رض)) کلام : ۔۔۔ امام دارقطنی (رح) فرماتے ہیں یہ روایت منکر ہے۔ صحیح نہیں ۔

19934 ۔۔۔ میں بھی ایک بشر ہوں ، میں جنبی تھا اور غسل کرنا بھول گیا ۔ (الاوسط للطبرانی ، السنن للبیہقی عن ابوہریرہ (رض) ، ، مسند احمد عن ابی بکرۃ (رض)) فائدہ : ۔۔۔ ایک مرتبہ صبح کی نماز میں آپ (صلی اللہ علیہ وآلہ وسلم) نے تکبیر کہہ دی ۔ پھر ان کو اشارہ کیا اور چلے گئے پھر واپس آئے تو آپ کے سر سے پانی ٹپک رہا تھا پھر آپ نے ان کو نماز پڑھائی نماز کے بعد مذکورہ ارشاد فرمایا ۔

19935 ۔۔۔ مجھے یاد آگیا کہ میں جنبی تھا جب میں نماز کے لیے کھڑا ہوا اور میں نے غسل بھی نہیں کیا تھا ، پس جس کو پیٹ میں گڑ بڑ محسوس ہو یا میری طرح کوئی اور بھی اسی حالت پر ہو تو وہ لوٹ جائے اور اپنی حاجت پوری کرکے غسل کرکے نماز میں لوٹ آئے ۔ (مسند احمد عن علی (رض))

19936 ۔۔۔ نماز میں ہنسنا ادھر ادھر متوجہ ہونا اور انگلیاں چٹخانا ایک برابر ہے۔ (مسند احمد ، الکبیر للطبرانی ، السنن للبیہقی وضعفہ عن ابن عباس (رض))

19937 ۔۔۔ نماز تین چیزوں کی وجہ سے ٹوٹ جاتی ہے نکسیر پھوٹنا آگے پیچھے کی شرمگاہوں سے کچھ بھی نکلنا اور سلام پھیرنا ۔ (عبدالرزاق عن عبداللہ بن کعب الحسیری مرسلا)

19938 ۔۔۔ جب کسی کی نکسیر پھوٹ جائے یا قے چھوٹ جائے اور وہ منہ بھر کر ہو یا مذی نکل جائے تو وہ لوٹ جائے اور وضو کرے پھر لوٹ کر باقی رہ جانے والی نماز پڑھ لے اور نئے سرے سے نہ پڑھے بشرطیکہ کسی سے بات چیت (یا اور کوئی کام نماز فاسد کرنے والا نہ کرے) ۔ ممصنف عبدالرزاق عن ابن جریح عن ابیہ مرسلا)