31372 ۔۔۔ حضرت ابوالدرداء (رض) نے فرمایا جب بنی امیہ کا نوجوان خلیفہ شام و عراق کے درمیان حالت مظلومیت میں قتل کردیا جائے تو پھر اس کے بعدہمیشہ اطاعت ایک ہلکی اور بےحثییت چیز سمجھی جائے گی اور زمین پر ناحق خون بہنا شروع ہوجائے گا نوجوان خلیفہ سے مراد یزید بن ولید ہے۔ نعیم بن حماد فی الفتن

31373 ۔۔۔ ابوالعالیہ سے روایت ہے کہ ہم شام میں حضرت ابوذر (رض) کے پاس تھے کہ انھوں نے کہا کہ رسول اللہ (صلی اللہ علیہ وآلہ وسلم) نے فرمایا ہے : سب سے پہلے جو شخص میری سنت کو تبدیل کرے گا وہ فلاں قبیلے کا آدمی ہوگا یزید بن سفیان نے کہا یارسول اللہ کیا وہ شخص میں ہوں آپ نے فرمایا کہ نہیں ۔ رواہ ابن عساکر

31374 ۔۔۔ سہل بن حثمہ کہتے ہیں کہ ایک دیہاتی نے رسول اللہ (صلی اللہ علیہ وآلہ وسلم) کی بیعت کی جب وہ آپ (صلی اللہ علیہ وآلہ وسلم) سے جدا ہو کر باہر آیا تو حضرت علی نے اسے روک لیا اور پوچھا اگر نبی (صلی اللہ علیہ وآلہ وسلم) کی وفات ہوگئی تو کس سے اپنا حق لوگے اس نے کہا کہ معلوم نہیں !

حضرت علی (رض) نے فرمایا جاؤ پوچھ کر آؤدیہاتی آیا اور آپ سے سوال کیا آپ نے فرمایا کہ حضرت ابوبکر (رض) سے اپنا حق لے لینا جب وہ باہر آیا تو حضرت علی (رض) نے فرمایا کہ اگر ابوبکر (رض) کا بھی انتقال ہوجائے تو کس سے حق وصول کروگے اس نے کہا کہ مجھے معلوم نہیں فرمایا جاؤ پوچھ کر آؤ۔ وہ آیا اور پوچھا آپ نے فرمایا کہ پھر عمر (رض) سے اپنا حق لے لینا جب وہ علی (رض) کے پاس آیا تو آپ نے فرمایا کہ اگر عمر (رض) کا انتقال ہوگیا تو پھر کس سے اپنا حق لوگے اس نے کہا معلوم نہیں کہا جاؤ پوچھ کر آؤ وہ آیا اور پوچھا تو آپ نے فرمایا عثمان سے پھر جب باہر آیا تو علی (رض) نے پوچھا کہ اگر عثمان (رض) بھی فوت ہوگئے تو پھر ؟ اس نے کہا معلوم نہیں کہا جاؤ پوچھ کر آؤ وہ آیا اور پوچگا تو آپ (صلی اللہ علیہ وآلہ وسلم) نے فرمایا جب عثمان کا انتقال ہوجائے تو پھر اگر تم مرسکو تو مرجاؤ۔ ابن عساکر عقیلی فی الضعفاء

31375 ۔۔۔ سہل بن سعد سے روایت ہے کہ رسول اللہ (صلی اللہ علیہ وآلہ وسلم) نے ارشاد فرمایا کہ اے اللہ مجھے وہ زمانہ دیکھا کہ جس میں عالم کی اتباع نہیں کی جائے گی اور بردباد شخص سے حیا نہیں کیا جائے گا۔ رواہ العسکری فی الامثال وسندہ ضعیف

31376 ۔۔۔ شداد بن اوس (رض) سے روایت ہے کہ آپ (صلی اللہ علیہ وآلہ وسلم) نے فرمایا : کہ میرے لیے زمین کو سمیٹا گیا یہاں تک کہ میں نے مشرق ومغرب دیکھ لیے اور بلاشبہ میری امت کی سلطنت وہاں تک پہنچے گی جہاں تک اسے میرے لیے سمینا گیا اور مجھے دوخزانے دئیے گئے سرخ اور سفید اور میں نے اللہ تعالیٰ سے سوال کیا کہ :۔

1 میری امت عام قحط میں ہلاک نہ کی جائے۔

2 اور ان پر کوئی ایسا دشمن مسلط نہ ہوجائے جو انھیں عمومی طورپر ہلاک کردے۔

3 اور اللہ تعالیٰ انھیں فرقے فرقے نہ کرے۔

4 اور انھیں ایک دوسرے کے ذریعے عذاب نہ دے۔

اللہ تعالیٰ نے ارشاد فرمایا : اے محمد ! جب میں کوئی فیصلہ کردیتاہوں تو پھر وہ واپس نہیں لیاجاتا اور میں نے تیری امت کو یہ بات عطاکر دی کہ میں انھیں عمومی قحط میں مبتلا کرکے ہلاک نہیں کروں گا اور ان کے علاوہ کسی دوسرے دشمن کو ایسا مسلط نہیں کروں گا جو انھیں عمومی طورپر تباہ و برباد کر دے لیکن وہ خود ایک دوسرے کو ہلاک کریں گے ایک دوسری گردیں ماریں گے اور ایک دوسرے کو پابندسلاسل کریں گے۔

راوی کہتے ہیں کہ آپ (صلی اللہ علیہ وآلہ وسلم) نے فرمایا کہ مجھے اپنی امت کے بارے میں سب سے زیادہ گمراہ کن حکمرانوں کا ہے۔ جب میری امت میں تلوار چل گئی تو پھر قیامت تک چلتی رہے گی۔ احمد ضیا مقدسی فی المختارہ

31377 ۔۔۔ زاذان سے روایت ہے کہ انھوں نے کہا کہ ہم عابس غفاری کے ساتھ تھے عابس غفاری نے کہا کہ مجھے ایسی عادت سے اندیشہ ہے کہ جن کے بارے میں رسول اللہ (صلی اللہ علیہ وآلہ وسلم) کو اپنی امت کے بارے میں خطرہ تھا۔ کسی نے کہا کہ وہ چیزیں کیا ہیں ؟ جواب دیا (1) بیوقوفوں کی حکمرانی (2) شرطیوں کی کثرت (3) قطع رحمی (4) خون کی بےحیثیتی (ٕبے دریغ قتل ) (5) اور ایسی قوم کی پیدائش کہ جو قرآن کو بانسریاں بنالیں گے (ٕیعنی جس طرح بانسری سے آواز میں آہنگ پیدا کیا جاتا ہے اس طرح وہ لوگ قرآن کی ذریعے آواز میں آہنگ اور نغمہ پیداکریں گے۔ قرآن کا مقصود اصلی نصیحت پس پشت ڈال دیں گے ) وہ لوگ نماز میں ایک ایسی آدمی کو آگے کرین گے جو نہ تو ان میں افضل ہوگا اور نہ ہی فقیہ لیکن محض اس لیے تاکہ انھیں اپنی آواز سے محفوظ کرے۔

31375 ۔۔۔ مسند عبادہ بن صامت (رض) میمون بن ابی شبیب سے مروی ہے کہ حضرت عبادہ بن صامت نے فرمایا میں اپنے دوست کے لیے یہ تمنا کرتا ہوں کہ اس کا مال کم ہوجائے اور اسے جلدی موت آجائے لوگوں نے ان کی اس بات پر اعتراض کیا تو انھوں نے وضاحت کی کہ یہ اس لیے کہ مجھے خوف ہے کہ تمہارے ایسے امراء ہوں گے اگر تم ان کو کھلاؤ تو وہ تمہیں آگ میں ڈال دیں اور اگر ان کی نافرمانی کرو تو تم کو قتل کردیں ایک آدمی نے کہا کہ آپ ہمیں ان کا بتائیں وہ کون لوگ ہیں ؟ تاکہ ہم ان کی آنکھیں پھوڑ دیں اور ان کے چہروں کو خاک آلود کردیں تو آپ نے فرمایا امید ہے کہا گرتم ان کو پالو تو پھر بھی وہ تیری آنکھ پھوڑ دیں گے اور تیرے ہی چہرے کو خاک آلود کردیں گے۔ ابی شیبہ۔

31379 ۔۔۔ حارث بن یمجد کو ایک آدمی نے بتایا کہ اسے ایک آدمی جس کی کنیت ابوسعید تھی یہ بات بتائی کہ عالیہ سے مدینہ آیا جب میں مدینہ پہنچا تو بہت تھک ہارچکا تھا میں اسی طرح مدینہ کے ایک بازار میں جارہا تھا کہ ایک آدمی دوسرے سے کہہ رہا تھا کہ آج رات رسول اللہ (صلی اللہ علیہ وآلہ وسلم) نے دعوت فرمائی ہے جب میں نے دعوت کا نام سنا اور میں بہت نڈھال رہا تھا تو میں آپ (صلی اللہ علیہ وآلہ وسلم) کے پاس حاضر ہوگیا اور عرض کیا یارسول اللہ ! مجھے پتہ چلا ہے کہ آپ نے آج دعوت فرمائی ہے فرمایا کہ ہاں میں نے عرض کیا وہ کھانا کیا تھا یارسول اللہ آپ (صلی اللہ علیہ وآلہ وسلم) نے ایک کھانے کا نام بتایا سختیہ جو کہ آٹے اور گھی سے تیار کیا جاتا ہے عرض کیا باقی ماندہ کہاں ہے ؟ فرمایا اٹھالیا گیا ہے۔ (سب ختم ہوچکا ہے)

پھر میں نے کہا اے اللہ کے رسول ! آپ کی امت کے ابتدائی حصہ میں موت ہے یا آخر حصے میں فرمایا ابتدائی حصہ میں بعد میں تم میرے پاس جماعت درجماعت آؤ گے لوگ ایک دوسرے کو فنا کریں گے ۔ ابن ھذہ ابن عساکر

31380 ۔۔۔ حضرت ابوموسیٰ (رض) نے فرمایا : قیامت سے پہلے مسلمانوں کے درمیان کشت وخون بہت زیادہ ہوگا حتی کہ آدمی اپنے پڑوسی کو قتل کرے گا اپنے چچازاد کی گردن کاٹے گا اپنے بھائی کو مارے گا اور اپنی باپ کو خون بہائے گا ۔ نعیم بن حماد فی الفتن

31381 ۔۔۔ ابوموسی (رض) نے ہی فرمایا : کہ تمہارے بعد تاریک رات کی طرح فتنے آئیں گے صبح ایک آدمی مومن ہوگا تو شام کافر اور شام مومن ہوگا تو صبح کافر ایسے فتنوں میں بیٹھ رہنے والا کھڑے رہنے والے سے کھڑا رہنے والاچلنے والے سے اور چلنے والا سوار سے بہتر حالت میں ہوگا لوگوں نے کہا کہ پھر ہم کیا کریں ؟ فرمایا کہ گھروں کی چٹائیاں بن جاؤ۔ (ہو ہمیشہ گھر میں ہی پڑہی رہتی ہیں) ۔ ابن ابی شیبة نعیم بن حماد

31382 ۔۔۔ انھیں سے روایت ہے کہ رسول اللہ (صلی اللہ علیہ وآلہ وسلم) نے فرمایا : قیامت سے پہلے ہرج بہت زیادہ ہوگا پوچھا گیا کہ یہ ہرج کیا ہے ؟ فرمایا قتل جھوٹ لوگوں نے کہا آج کل جو کفار قتل ہورہے ہیں کیا اس سے بھی زیادہ قتل ہوگا آپ (صلی اللہ علیہ وآلہ وسلم) نے ارشاد فرمایا یہ قتل اس طرح نہیں ہوگا کہ تم کفار کو قتل کروگے بلکہ تم ایک دوسرے کو قتل کروگے یہاں تک کہ آدمی اپنے پڑوسی اپنے بھائی اور چچازاد کو قتل کرے گا۔

تو لوگ حیران وششدررہ گئے اور ان کے چہروں سے ہنسی کے آثر غائب ہوگئے پھر ہم نے کہا : کیا اس وقت ہمارے اندر عقل موجود ہوگی ارشاد فرمایا : اس زمانے کے اکثر لوگوں کو عقلیں سلپ کرلی جائیں گی اور خساوخاشاک کی طرح لوگ ۔ (بےعقل و حیثیت ) ہوں گے وہ سمجھیں گے ہم کچھ ہیں حالانکہ وہ کچھ نہیں ہوں گے۔ ابن ابی شیبة نعیم بن حماد

31383 ۔۔۔ حضرت طاؤس کہتے ہیں کہ جب حضرت ابوموسیٰ اور حضرت عمروبن عاص (رض) حکم بنائے جانے کے بعد جدا ہوئے تو ایک آدمی ابوموسیٰ (رض) کے سامنے آیا اور کہنے لگایہی وہ فتنہ ہے کہ جس کا ذکر کیا جاتا تھا حضرت ابوموسیٰ نے فرمایا یہ توفتنوں کی ایک جھلک ہے گھیرلینے والی عظیم فتنے ابھی آنے ہیں جو آدمی ان کے درپے ہوگا ان کا شکار ہوجائے گا ان فتنوں پر بیٹھنے والا کھڑے سے کھڑا چلنے والے سے چلنے والا دوڑنے والے سے خاموش بات کرنے والے سے اور سونے والا جاگنی والے سے بہتر ۔ رواہ ابونعیم

31384 ۔۔۔ ابوموسیٰ (رض) نے فرمایا لوگو ! ایک فتنہ ہوگا جو لوگوں کا شیرازہ بکھیر کے رکھ دے گا بردباد رودا نا شخص اس میں ایسے چھوڑ دیا جائے گا جیسے وہ کل کا بچہ وہ پیٹ کے در د کی طرح آئے گا پتہ نہیں چلے گا کہ کہاں سے اس کا مقابلہ کیا ہے۔ (علامہ ظاہر مجمع میں لکھتے ہیں کہ اس فتنے کو پیٹ کے درد مثل اس لیے فرمایا کہ پتہ ہی نہیں چلے گا کہ یہ آیا کہاں سے اور کیسے اس کا مداوا کیا جائے چنانچہ پیٹ کا درد بھی ایساہی ہوتا ہے ان میں لیٹا ہو بیٹھے سے بیٹھا کھڑے سے کھڑا چلتے سے اور چلتا دوڑتے سے بہتر ہوگا ۔ نعیم ابن عساکر

31385 ۔ ابوموسیٰ ہی روایت کرتے ہیں کہ رسول اللہ (صلی اللہ علیہ وآلہ وسلم) نے قیامت سے پہلے آنے والے ایک فتنہ کا ذکر کیا میں نے عرض کیا گیا کتاب اللہ کے ہوتے ہوئے فرمایا ہاں میں نے عرض کیا گیا عقل کی موجودگی میں فرمایا ہاں تمہاری عقلیں بھی ہوں گی ۔ رواہ ابونعیم

31386 ۔۔۔ رسول اللہ (صلی اللہ علیہ وآلہ وسلم) نے ایک فتنہ ذکر فرمایا جو قیامت سے پہلے آئے گا ابوموسیٰ (رض) نے فرمایا قسم ہے اس ذات کی جس کے قبضے میں میری جان ہے میری اور تمہاری خلاصی اس وقت ہوسکتی ہے جبکہ ہم اس فتنہ سے اسی طرح نکلیں جس طرح اس میں داخل ہوں اور ہم میں کوئی نئی بات نہ آئے۔ (یعنی فتنہ میں ثابت قدمی اور طریق سنت کو لازمی پکڑنا یہی فتنہ سے بچاؤ ہے) ۔ ابن ابی شبیة ونعیم

31387 ۔۔۔ میں ا جو عبدالرحمن بن عوف کے آزاد کردہ غلام ہیں کہتے ہیں کہ ابوہریرہ (رض) نے چند بچوں کو یہ کہتے سنا کہ بعد والا بڑا ہے بعد والا برا ہے توابرہریرہ (رض) فرمانے لگے کہ ہاں ہاں خدا کی قسم ایسا ہی ہے قیامت تک ایسا ہے۔ نعیم بن حماد فی الفتن

31388 ۔۔۔ ابوہریرہ (رض) نے فرمایا : لوگوں پر ایسا وقت بھی آئی گا کہ انھیں موت شہد سے اور سخت گرمی میں ٹھنڈے پانی سے بھی زیادہ میٹھی معلوم ہوگی لیکن پھر بھی موت انھیں نہیں آئے گی ۔ رواہ ابونعیم

31389 ۔۔۔ ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے ارشاد فرمایا ۔ جب کہ آپ چوتھے فتنے کا ذکر فرما رہے تھے کہ اس فتنے سے وہی نجات پائے گا جو غرق ہوجانے جیسی دعائیں مانگے گا اور سب سے زیادہ سعادت مند اور خوش بخت وہ مومن ہوگا جو بالکل گمنام ہے کہ جب وہ لوگوں کے سامنے آئی تو کوئی اسے نہیں پہچانتا اور اگر چلا جائے تو کوئی اس کی جستجو نہیں کرتا اور سب سے بدبخت وہ ہوگا جو نہایت فصیح وبلیغ خطیب ہے یا بہت تیز شہسوار ہے۔ رواہ ابونعیم

31390 ۔۔۔ ابوہریرہ (رض) فرماتے ہیں کہ لوگوں پر ایسا زمانہ آئے گا کہ لوگوں کے رہنے کے لیے سب سے موزوں جگہ دیہات ہوں گے ۔

31391 ۔۔۔ ابوہریرة (رض) سے روایت ہے کہ آپ (صلی اللہ علیہ وآلہ وسلم) نے فرمایا کو چوتھا فتنہ بارہ سال تک رہے گا پھر جب اسے فتح ہونا ہوگا فتح ہوجائے گا فرقت اس وقت سونے کا ایک پہاڑ نکلے گا لوگ اس پر ٹوٹ پڑیں گے چنانچہ (اس موقع پر) ہرنو آدمیوں میں سے سات آدمی قتل کر دئیے جائیں گے ۔ رواہ ابونعیم