24201 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ہر مہینہ میں تین دن روزہ رکھو اور داؤد (علیہ السلام) کی طرح روزہ رکھو یعنی ایک دن روزہ رکھو اور ایک دن افطار کرو ۔ مرواہ الطبرانی عن حکیم بن حزام)

24202 ۔۔۔ نبی کریم (صلی اللہ علیہ وآلہ وسلم) (صلی اللہ علیہ وآلہ وسلم) نے ارشاد فرمایا : ماہ صبر (رمضان) اور ہر مہینہ میں ایک دن روزہ رکھو عرض کیا میرے لیے اضافہ کریں فرمایا : ہر مہینہ میں دو دن رکھ لو عرض کیا : میرے لیے اور اضافہ کیجئے فرمایا : ہر مہینہ میں تین دن روزہ رکھو ۔ مرواہ ابن سعد والطبرانی و شعب الایمان للبیہقی ، عن کھمس الھلالی والطبرانی ، وشعب الایمان للبیہقی ، عن ابی عقرب)

24203 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ہر می مہینہ میں تین دن روزے عمر بھر کے روزوں کے مترادف ہیں اور وہ یوں ساری عمر افطار بھی کرتا ہے۔ مرواہ ابن زنجویہ وابن جریر وابن حبان عن معاویۃ بن قرۃ عن ابیہ وقال ابن حبان : قال وکیع عن شعبۃ فی ھذالخبر وافطارہ وقال یحییٰ القطان عن شعبۃ وقیامہ وھما جمیعا حفظان متقنان) یعنی اس روایت کے دو طریق ہیں وکیع نے شعبہ سے افطار ذکر کیا ہے اور یحییٰ قطان نے شعبہ سے قیام ذکر کیا ہے۔

24204 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ماہ صبر (رمضان) کے روزے اور ہر مہینہ میں تین دن کے روزے سینہ کے بغض کو ختم کردیتے ہیں۔ مرواہ ابن زنجویہ والبغوی ، والباوردی والطبرانی ، والبیہقی ، وابو نعیم فی المعرفہ عن النمربن تولب)

24205 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ماہ صبر کے روزے اور ہر مہینہ میں تین دن کے روزے ایسے ہیں جیسے کوئی ساری عمر روزے رکھ لے اور یہ روزے سینہ کے مغلہ کو ختم کردیتے ہیں ، صحابہ کرام رضوان اللہ تعالیٰ عنہم اجمعین نے پوچھا سینے کا مغلہ کیا ہے ؟ آپ (صلی اللہ علیہ وآلہ وسلم) نے فرمایا : شیطان کی گندگی ۔ مرواہ الطبرانی وشعب الایمان للبیہقی، عن ابی ذر (رض))

24206 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ماہ صبر کے روزے اور ہر مہینہ میں تین دن کے روزے دلوں کے کینے کو ختم کردیتے ہیں۔ مرواہ الطبرانی وشعب الایمان للبیہقی ، عن یزید بن عبداللہ بن الشخیر عن رجل من عکل)

24207 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ہر مہینہ میں تین دن کے روزے سارے عمر روزے رکھنے کے برابر ہیں (رواہ الطبرانی ، عن ابن عمرو (رض))

24208 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ہر مہینہ میں تین دن کے روزے بہت اچھے روزے ہیں۔ مرواہ ابن زنجویہ واحمد ، والنسائی وابن حبان عن عثمان بن ابی العاص)

24209 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : 13، 14، 15، تاریخوں کے روزے ایسے ہیں جیس اس کہ اس نے ساری عمر روزہ رکھا اور ساری عمر افطار کیا ۔ مرواہ الطبرانی ، عن ابن مسعود (رض))

24210 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : ماہ صبر کے روزے رکھو (مخاطب نے) عرض کیا : میرے لیے اضافہ کیجئے فرمایا : ماہ صبر کے روزہ رکھو ، اور اس کے بعد ایک دن روزہ رکھو عرض کیا : میرے لیے اضافہ کیجئے فرمایا : ماہ صبر کے روزے رکھو اور پھر ہر مہینہ میں دو دن روزے رکھو عرض کیا : میرے لیے مزید اضافہ کریں (میں اس سے زیادہ کی طاقت رکھتا ہوں) فرمایا : حرمت والے مہینوں میں روزہ رکھو اور چھوڑ دو ، آپ نے تین بار یہی فرمایا۔ مرواہ ابو داؤد ابن ماجہ والبغوی وابن سعد وشعب الایمان للبیہقی ، والبخاری ، ومسلم ، عن مجیبۃ الباھلی عن ابیھا اوعمھا)

24211 ۔۔۔ نبی کریم (صلی اللہ علیہ وآلہ وسلم) نے ایک شخص سے فرمایا : تم نے اپنے آپ کو کیوں عذاب میں مبتلا کر رکھا ہے ؟ ماہ صبر کے روزے رکھو اور پھر ہر مہینہ میں ایک دن روزہ رکھ لو دو دن روزہ رکھ لو تین دن روزہ رکھ لو ، حرمت والے مہینوں میں روزہ رکھو اور چھوڑ دو ، حرمت والے مہینوں میں روزہ رکھو اور چھوڑ دو حرمت والے مہینوں میں روزہ رکھو اور چھوڑ دو ۔ (رواہ ابو داؤد عن مجیبہ الباھلیۃ عن ابیھا اوعمھا)

24212 ۔۔۔ نبی کریم (صلی اللہ علیہ وآلہ وسلم) (صلی اللہ علیہ وآلہ وسلم) نے ارشاد فرمایا : جس شخص نے عید الفطر کے بعد چھ دن روزے رکھے گویا اس نے پورا سال روزے رکھے چونکہ فرمان باری تعالیٰ ہے (آیت)” من جاء بالحسنۃ فلہ عشرامثالھا “۔ یعنی جس نے ایک نیکی کی اسے دس نیکیوں کا اجر وثواب ملے گا ۔ (رواہ ابن ماجہ عن ثوبان)

24213 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : اللہ تعالیٰ نے ایک نیکی کو دس گنا تک بڑھا دیتے ہیں اور ایک مہینہ کو دس مہینوں تک بڑھا دیتے ہیں رمضان کے بعد چھ روزے یوں یہ سب (رمضان ۔ 6 روزے) پورے سال کے روزوں کے برابر ہیں ، (رواہ ابو الشیخ فی الثواب عن ثوبان)

24214 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : شوال کے روزے رکھو ۔ (رواہ ابن ماجہ عن اسامۃ) کلام : ۔۔۔ حدیث ضعیف ہے دیکھئے ضعیف الجامع 3490 ۔

24215 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : رمضان اور اس کے بعد شوال کے روزے رکھو ، اور پھر ہر بدھ جمعرات کے روزے رکھو یوں اس طرح تم عمر بھر کے روزے رکھ لو گے ۔ (رواہ شعب الایمان للبیہقی ، عن مسلم القرشی) کلام : ۔۔۔ حدیث ضعیف ہے دیکھئے ضعیف الجامع 3489 ۔ لاکمال :

24216 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : جس شخص نے رمضان کے روزے رکھے اور پھر چھ روزے شوال کے بھی رکھے گیا اس نے پورے سال کے روزے رکھ لیے ۔ (رواہ احمد وعبد بن حمید وابن زنجویہ والحکیم وشعب الایمان للبیہقی ، ومسلم والبخاری عن جابر (رض))

24217 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : جس شخص نے رمضان کے روزے رکھے اور پھر شوال کے چھ روزے رکھے سمجھ لو اس نے پورے سال کے روزے رکھ لیے ۔ (رواہ ابن حبان عن ثوبان)

24218 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : جس شخص نے رمضان کے روزے رکھے پھر شوال کے چھ دن روزے رکھے اس کے یہ روزے سال بھر کے روزوں کی طرح ہیں چونکہ ایک نیکی دس گنا بڑھا دی جاتی ہے۔ (رواہ ابو علی الحسن بن البناء فی مشیختہ وابن النجار عن البراء)

24219 ۔۔۔ نبی کریم (صلی اللہ علیہ وآلہ وسلم) نے ارشاد فرمایا : جس شخص نے عید الفطر کے بعد چھ روزے رکھے گویا اس نے سال بھر کے روزے رکھ لیے ۔ مرواہ الطبرانی وابن عساکر عن عبدالرحمن بن عنام ۔۔۔ )

24220 ۔۔۔ نبی کریم (صلی اللہ علیہ وآلہ وسلم) (صلی اللہ علیہ وآلہ وسلم) نے ارشاد فرمایا : اگر ماہ رمضان کے بعد ، روزہ رکھو تو محرم میں روزے رکھو چونکہ محرم اللہ تعالیٰ کا مہینہ ہے اس میں اللہ تعالیٰ نے ایک قوم کی توبہ قبول فرمائی اور دوسرے لوگوں کی بھی توبہ قبول فرماتا ہے۔ (رواہ الترمذی عن علی) کلام : ۔۔۔ حدیث ضعیف ہے دیکھئے ضعیف الجامع 1298 ۔