কানযুল উম্মাল (উর্দু)

35889 ۔۔۔ (مسندہ) اسلم روایت کرتے ہیں کہ عمر بن خطاب نے عام الرمادہ عمروبن العاص کے پاس خط لکھا کہ اللہ کا بندہ عمر امیر المومنین کی طرف سے عاصی بن عاصی کی طرف میری زندگی کی قسم کہ جب تو خود اور تیری طرف کے لوگ موٹا ہوجائیں کہ میں اور میری طرف کے لوگ بھوکے کمزور ہوجائیں تو تمہیں اس کی کوئی پروا نہیں یاللمددتو عمرو نے جواب لکھا السلام حمد وصلوة کے بعد لبیک لبیک لبیک غلوں سے لدا ہوا اتنا بڑا قافلہ ہوگا کہ اس کا پہلا اونٹ آپ کے پاس اور آخری اونٹ میرے پاس اس کے ساتھ اس کوشش میں بھی ہوں کہ بحری رستہ سے سال بھینے کی بھی کوئی صورت بن جانے جب قافلہ کا پہلا حصہ پہنچا تو زبیر (رض) کو بلا کر کہا نکل کر اس کا استقبال کرو اور اہل نجد میں سے ہر گھر میں خوراک پہنچاؤ جن تک خود نہیں پہنچا سکتے ان کے لیے حکم دو کہ ہر گھر کے لیے ایک مع اس کے سازوسامان کے اور حکم دو کہ ہر شخص دودوچادر پہنیں اور اونٹ ذبح کریں چربی کو پگھلائیں گوشت کے ثرید بنائیں اور کھالوں کا پالابنائیں پھر ایک کہہ گوشت ایک کہہ چربی اور ایک مٹی آٹا ڈال کر اس کو پکائیں اور اس کو کھائیں یہاں تک اللہ تعالیٰ رزق کا انتظام فرمادیں زبیر (رض) نے نکلنے سے انکار کیا تو فرمایا کہ اللہ کی قسم اس جیسا تمہیں نہیں ملے گا یہاں تک تمہیں موت آجائے پھر دوسرے کو بلایا میرے خیال میں طلحہ ہوگا تو انکار کردیا پھر ابوعبیدہ بن جراح کو بلایا تو وہ اس کام کے لیے نکلا جب واپس آیا ان کے پاس ہزار دینار بھیجا تو ابوعبیدہ نے کہا اے ابن الخطاب میں نے تمہاری خاطر کام نہیں کیا میں نے یہ کام محض اللہ کے لیے کیا ہے اس لیے اس پر کوئی اجرت نہیں لوں گا تو فرمایا ہمیں بھی رسول اللہ (صلی اللہ علیہ وآلہ وسلم) نے ایسے امور پر مامور فرمایا ہم نے اس پر کچھ لینے سے انکار کیا تو آپ نے زبردستی قبول کرایا لہٰذا اس کو قبول کرلو اور اس سے دین اور دنیا کے امور میں مدد حاصل کرو تو ابوعبیدہ نے قبول کرلیا۔ (ابن خزعہ حاکم بیہقی)