কানযুল উম্মাল (উর্দু)

12530 حضرت اسلم (رض) سے مروی ہے کہ میں نے حضرت عمر بن خطاب (رض) کو ارشاد فرماتے ہوئے سنا : اب رمل کس لیے اور مونڈھے کھولنے کی کیا ضرورت ! حالانکہ اللہ نے اسلام کو قوت بخش دی ہے اور کفر اور اہل کفر کو (مکہ سے) نکال دیا ہے، لیکن اس کے باوجود ہم کوئی ایسا طریقہ نہیں چھوڑتے جو ہم رسول اللہ (صلی اللہ علیہ وآلہ وسلم) کے عہد میں کیا کرتے تھے۔

مسند احمد، ابوداؤد، ابن ماجہ، مسند ابی یعلی، الطحاوی، مستدرک الحاکم، السنن للبیہقی، السنن لسعید بن منصور ابن خزیمہ نے اس روایت کو ابن عمر (رض) کے طریق سے روایت کیا ہے۔