19379 ۔۔۔ جس نے ظہر سے پہلے چار رکعات پڑھیں گویا اس نے یہ رکعات اسی دن تہجد کے وقت پڑھیں اور عشاء کے بعد چار رکعت (تہجد) پڑھنا لیلۃ القدر میں چار رکعت پڑھنے کے برابر ہے۔ (الاوسط عن البراء (رض))

19380 ۔۔۔ جس نے ظہر سے پہلے اور بعد میں چار رکعات پڑھیں اس کو جہنم کی آگ نہ چھوئے گی ۔ (ابن جریر عن ام حبیبۃ (رض))

19381 ۔۔۔ رات کی نماز کے بعد ظہر کی نماز سے قبل چار رکعات سے افضل کوئی نفل نماز نہیں ۔ (الحاکم فی التاریخ عن ابی ایوب (رض))

19382 ۔۔۔ کوئی بندہ ایسا نہیں جو ظہر سے قبل چار رکعات پڑھے پھر کبھی جہنم کی آگ اس کے چہرے کو جھلسا دے ان شاء اللہ۔ (ابن عساکر عن ام حبیبۃ (رض))

19383 ۔۔۔ صلوۃ الوسطی عصر کی نماز ہے۔ ممسند احمد ، ترمذی عن سمرۃ (رض) ، ابن ابی شیبۃ ، ترمذی ، صحیح ابن حبان عن ابن مسعود (رض) ، ابن ابی شیبۃ ، عن الحسن مرسلا، السنن للبیہقی عن ابوہریرہ (رض) ، البزار عن ابن عباس (رض) ، الطیالسی عن علی (رض))

19384 ۔۔۔ اللہ ان (مشرکوں) کے گھروں اور قبروں کو آگ سے بھر لے ، انھوں نے ہم کو صلوۃ الوسطی (عصر کی نماز) سے روک دیا حتی کہ سورج بھی غروب ہوگیا ) ممسند احمد ، بخاری ، مسلم ، ابن ماجۃ ، ترمذی ، ابو داؤد ، نسائی عن علی (رض) ، مسلم ، ابوداؤد عن ابن مسعود (رض))

19385 ۔۔۔ بادل کے دن (عصر کی) نماز کو جلدی پڑھ لو ، بیشک جس نے عصر کی نماز چھوڑ دی اس کے اعمال ضائع ہوگئے ۔ ممسند احمد ، ابن ماجۃ ، ابن حبان عن بریدۃ (رض))

19386 ۔۔۔ جس سے عصر کی نماز فوت ہوگئی گویا اس سے اس کے گھر والے اور اس کا سارا مال و دولت چھن گیا اور وہ اکیلا کھڑا رہ گیا ۔ مبخاری ، مسلم ، ترمذی ، ابن ماجۃ ، نسائی ، ابو داؤد عن ابن عمر (رض))

19387 ۔۔۔ نمازوں میں سے ایک نماز ایسی ہے جس سے وہ نماز فوت ہوجائے (اس کا وبال ایسا ہے) گویا وہ اپنے اہل و عیال اور مال و دولت سے اکیلا رہ گیا ، وہ نماز ہے عصر کی نماز ۔ (نسائی عن نوفل بن معاویۃ و عن ابن عمر (رض))

19388 ۔۔۔ یہ نماز یعنی عصر کی نماز تم سے پہلے لوگوں پر پیش کی گئی تھی مگر انھوں نے اس کو ضائع کردیا ، پس آج جس نے اس نماز کی حفاظت کرلی اس کو اس کا دہرا اجر ہوگا ، اور پھر اس کے بعد کوئی نماز نہیں حتی کہ شاید (ستارہ) طلوع ہو ، (اور سورج غروب ہو) ۔ ممسلم ، نسائی عن ابی بصرۃ الغفاری)

19389 ۔۔۔ جس نے عصر کی نماز چھوڑ دی اس کا (سارا) عمل بےکار ہوگیا ۔ (مسند احمد، بخاری ، نسائی عن بریدۃ (رض))

19390 ۔۔۔ اللہ اس بندے پر رحم کرے جو عصر سے پہلے چار رکعات پڑھ لے ۔ (ابوداؤد ابن حبان ترمذی عن ابن عمر (رض))

19391 ۔۔۔ اے ابی امیہ کی بیٹی ! تو نے مجھ سے عصر کے بعد دو رکعات کا سوال کیا تھا ؟ میرے پاس قبیلہ عبدالقیس کے چند لوگ اسلام قبول کرنے آئے تھے انھوں نے مجھے ظہر کے بعد کی دو رکعتوں سے مشغول کردیا تھا پس یہی وہ دو رکعتیں ہیں۔ مبخاری ابوداؤد عن ام سلمۃ (رض))

19392 ۔۔۔ جس نے عصر سے قبل چار رکعات پڑھ لیں اللہ پاک اس کو جہنم کی آگ پر حرام کردیں گے ۔ (الکبیر للطبرانی عن ابن عمر (رض))

19393 ۔۔۔ جس شخص سے عصر کی نماز فوت ہوگئی گویا وہ اپنے اہل و عیال اور مال و دولت سے اکیلا رہ گیا ۔ ممصنف عبدالرزاق ، ابن ابی شیبۃ ، عن ابن عمر (رض))

19394 ۔۔۔ نمازوں میں ایک نماز ایسی ہے جس سے وہ فوت ہوگئی گویا اس سے اس کے اہل و عیال اور سارا مال و دولت چھن گیا اور وہ اکیلا رہ گیا اور وہ عصر کی نماز ہے۔ (مصنف ابن ابی شیبۃ ، عن نوفل بن معاویہ و عن ابن عمر (رض))

19395 ۔۔۔ یہ نماز یعنی عصر کی نماز تم سے پہلے لوگوں پر پیش کی گئی تھی لیکن انھوں نے اس کو ضائع کردیا پس آج جس نے اس نماز کی حفاظت کی اس کو اس نماز کا دہرا اجر ملے گا ۔ پھر اس کے بعد طلوع شاہد (یعنی ستارہ طلوع ہونے اور سورج غروب ہونے) تک کوئی نماز نہیں ہے۔ ممسلم ، نسائی ، مسند ابی یعلی ، ابن قانع ، الباوردی ، الکبیر للطبرانی عن ابی بصرۃ الغفاری ، الکبیر للطبرانی ، السنن لسعید بن منصور عن ابی ایوب (رض))

19396 ۔۔۔ یہ نماز تم سے پہلے لوگوں پر فرض کی گئی تھی ، لیکن وہ اس میں عاجز ہوگئے اور اس کو ترک کردیا ، پس جو شخص اس نماز کو آج پڑھے گا اس کو دہرا اجر ملے گا ۔ اور اس کے بعد کوئی نماز نہیں حتی کہ شاہد طلوع ہو۔ شاہد سے مراد ستارہ ہے۔ (شعب الایمان للبیہقی عن ابی بصرۃ الغفاری)

19397 ۔۔۔ یہ نماز تم سے پہلے لوگوں پر فرض کی گئی تھی ، لیکن انھوں نے اس کا انکار کردیا اور ان پر یہ نماز گراں ہوگئی ، لہٰذا ان کے علاوہ دوسرے لوگوں پر نماز چھبیس درجہ فضیلت دے دی گئی ، وہ نماز عصر کی نماز ہے۔ (عبدالرزاق عن ابی بصرۃ الغفاری)

19398 ۔۔۔ جس نے عصر کی نماز جان بوجھ کر چھوڑ دی حتی کہ سورج غروب ہوگیا گویا اس کے اہل و عیال اور اس کا مال و دولت چھن گیا ۔ ممسند ابی داؤد الطیالسی ، مسند احمد عن ابن عمر (رض))