٢٠١۔۔ جس شخص نے لاالہ الا اللہ کہا اس کے اعمال نامہ کی برائیاں دھل جاتی ہیں الایہ کہ دوبارہ ان کا مرتکب ہو۔ الخطیب بروایت انس (رض)۔

٢٠٢۔۔ جس نے لاالہ الا اللہ کہا اور ببانگ بلند کہا تو اس کے چار ہزار کبیرہ گناہ محو ہوجاتے ہیں، ابن النجار ، بروایت انس (رض)۔

٢٠٣۔۔ جس نے اخلاص کے ساتھ لاالہ الا اللہ کہا وہ جنت میں داخل ہوجائے گا ابن النجار ، بروایت انس (رض)۔

٢٠٤۔۔ جس شخص نے اس بات کی شہادت دی کہ اللہ کے سوا کوئی پرستش کے لائق نہیں وہ تنہا ہے اس کا کوئی شریک نہیں جنت میں داخل ہوگا ابوالدرداء کہتے ہیں میں نے دریافت کیا خواہ اس نے چوری کی ہو اور زنا کیا ہو ؟ آپ نے فرمایا خواہ اس نے چوری کی ہو اور زنا کیا ہو جب تین مرتبہ یہی سوال و جواب ہواتوتیسری مرتبہ میں آپ نے فرمایا۔۔۔ خواہ ابوالدرداء کی ناک خاک آلود ہو۔ مسنداحمد ، نسائی، الکبیر للطبرانی (رح) ، بروایت ابوالدردائ۔ حدیث صحیح ہے۔

٢٠٥۔۔ جس نے اخلاص کے ساتھ لاالہ الا اللہ کہا وہ جنت میں داخل ہوجائے گا، دریافت کیا گیا اخلاص کاکیامطلب ہے فرمایا، وہ کلمہ تمہیں اللہ کی حرام کردہ اشیاء سے روک دے۔ الحکیم، الکبیر للطبرانی، (رح) ، الحلیہ، بروایت زید بن ارقم (رض) ۔

٢٠٦۔۔ جس شخص نے اخلاص کے ساتھ لاالہ الا اللہ کہا وہ جنت میں داخل ہوجائے گا، صحابہ کرام نے دریافت کیا، اخلاص کاکیامطلب ہے ؟ یارسول اللہ ، فرمایا جو اللہ نے تم پر حرام فرما رکھا ہے ان سے تم باز آجاؤ، الخطیب بروایت انس (رض)۔

٢٠٧۔۔ جس شخص نے لاالہ الاللہ وحدہ لاشریک لہ کہا، اور اس پر اس کا دل مطمئن ہوگیا اور اس کی زبان اس کیس اتھ مانوس ہوگئی اور اشھد ان محمد رسول اللہ کا بھی قائل ہوگیا تو اللہ تعالیٰ اس کو جہنم کی آگ پر حرام فرمادیں گے۔ الطبرانی فی الاوسط بروایت سعد بن عبادہ۔

٢٠٨۔۔ جس نے لاالہ الا اللہ کہا وہ جنت میں داخل ہوجائے گا خواہ اس نے زنا کیا ہو اور چوری کی ہو۔ الطبرانی فی الاوسط، بروایت سلمہ بن نعیم الاشجعی۔

٢٠٩۔۔ جس نے لاالہ الا اللہ کہا اس کو کوئی گناہ نقصان نہ پہنچاسکے گا، جس طرح کہ اللہ کے ساتھ کسی کو شریک ٹھہرانے سے کوئی نیکی نفع نہیں پہنچاسکتی ۔ الکبیر للطبرانی، (رح) بروایت ابن عمرو (رض) ۔ حدیث ضعیف ہے۔ حدیث ضعیف النظر التنزیہ ج ١ ص ١٥٣۔

٢١٠۔۔ جس نے لاالہ الا اللہ کہا اس کے لیے جنت واجب ہوگئی ، اور جس نے سبحان اللہ وبحمدہ کہا اس کے لیے ایک لاکھ چوبیس ہزار نیکیاں لکھ دی جاتی ہیں۔ صحابہ کرام نے عرض کیا یارسول اللہ تب تو ہم میں کوئی ہلاک نہ ہوگا، آپ نے فرمایا ہاں بعض کی اس قدر نیکیاں ہوں گی کہ اگر کسی پہاڑ پر رکھ دی جائیں تو وہ پہاڑ بھی دب جائے لیکن پھر اس پر کی گئی نعمتوں کو بھی لایا جائے گا، اور وہ تمام نیکیاں ان نعمتوں کے عوض برابر ہوجائیں گی پھر اس کے بعد اللہ تعالیٰ اپنی رحمت کا معاملہ فرمائیں گے۔ المستدرک للحاکم، بروایت اسحاق بن عبداللہ ابی طلحہ عن ابیہ جدہ۔

٢١٥۔۔ جو شخص اللہ سے اس حال میں ملاقات کرے کہ وہ لاالہ الا اللہ کی شہادت دیتا ہوا آئے وہ جنت میں داخل ہوجائے ۔ الطبرانی فی الکبیر بروایت عبادہ بن صامت۔

٢١٦۔۔ جس شخص کی موت لاالہ الا اللہ کی شہادت دیتے ہوئے آئے اس کے لیے مغفرت الٰہی حلال ہوجاتی ہے۔ الخطیب، بروایت جابر (رض) ، ابن عساکر، بروایت بریدہ۔ لیکن اس روایت میں یحییٰ بن عبادہ نامی ایک روای ضعیف ہے۔

٢١٧۔۔ جس شخص کی موت اس حال میں آئی کہ وہ دل کے اخلاص کے ساتھ لاالہ الا اللہ محمد رسول اللہ کی شہادت دیتاہو وہ جنت میں داخل ہوجائے گا۔ مسندالامام احمد، بروایت معاذ (رض)۔

٢١٨۔۔ جو شخص دل کی یقین کے ساتھ لالہ الا اللہ کا قائل ہوا جنت میں داخل ہوجائے گا۔ الطبرانی فی الکبیر، براویت معاذ (رض)۔

٢١٩۔۔ عوام الناس میں ندا دے دو کہ جس نے لاالہ الا اللہ کہہ لیا اس کے لیے جنت واجب ہوگئی۔ ابن عساکر، بروایت ابی بکر الصدیق (رض) ۔

٢٢٠۔۔ کلمہ لاالہ الا اللہ اللہ تعالیٰ کے ہاں انتہائی عزت و عظمت والاکلمہ ہے۔ جس نے اخلاص کے ساتھ کہہ لیا اس کے لیے تو جنت واجب ہوگئی اور جس نے نفاق کے ساتھ کہا اس کی بھی جان اور مال تو محفوظ ہو ہی گئے لیکن بالاخراس کا ٹھکانا جہنم ہی ہے۔ ابن النجار ، بروایت دینار عن انس (رض)۔

٢٢١۔ کلمہ لاالہ الا اللہ پروردگار کی ناراضگی سے پناہ میں رکھتا ہے ۔۔ جب تک لوگ دنیا کی رنگینی کو آخرت کی حقیقت پر ترجیح نہ دیں لیکن اگر لوگ دنیا کو آخرت پر ترجیح دینے لگیں اور پھر لاالہ الا اللہ کہیں تو یہ کلمہ ان پر رد کردیاجاتا ہے اور اللہ عزوجل فرماتے ہیں تم جھوٹ بولتے ہو۔ الحکیم بروایت انس (رض)۔ حدیث ضعیف ہے۔

٢٢٢۔۔ کلمہ لاالہ الا اللہ مسلسل پروردگار عزوجل کے غضب کو لوگوں سے روکتا رہتا ہے ، جب تک کہ وہ اپنی دنیا کو سنوارنے کے لیے دین کو ضائع نہ کرنا شروع کردیں لیکن جب نوبت یہاں تک پہنچ جائے اور پھر وہ اپنی زبانوں پر یہ کلمہ جاری کردیں تو ان کو کہا جاتا ہے نہیں نہیں اب تم اس کے اہل نہیں رہے۔ ابن النجار ، بروایت زید بن ارقم (رض) ۔ یہ حدیث ضعیف ہے۔

٢٢٣۔۔ لاالہ الا اللہ ہمیشہ اپنے کہنے والے کو نفع دیتارہتا ہے ، جب تک کہ اس کی اہانت نہ کی جائے اس کے حق کی اہانت یہ ہے کہ معاصی کا دور دورہ ہوجائے مگر ان کو روکنے والا اور بند کرنے والا کوئی نہ ہو۔ الحاکم فی التاریخ بروایت انس (رض)۔

٢٢٤۔۔ لاالہ الا اللہ کہنا مسلسل اللہ پاک کی ناراضگی کو بندوں سے روکتا ہے حتی کہ جب وہ اس منزل پر پہنچ جائیں کہ انھیں پروا نہ رہے کہ ان کی دینی حالت کس قدر انحطاط کا شکا رہے بلکہ وہ صرف اپنی دنیا درست ہونے پر مطمئن ہوجائیں اور پھر اپنی جھوٹی زبانوں سے یہ کلمہ کہیں تو اللہ فرماتے ہیں تم جھوٹ کہتے ہو۔ الحکیم بروایت انس (رض)۔