কানযুল উম্মাল (উর্দু)

٤١٩٦١۔۔۔ عبداللہ بن حارث سے روایت ہے جو آل سیرین سے تعلق رکھتے ہیں وہ ابوعمر سے روایت کرتے ہیں فرمایا : جب تم میں سے کوئی اپنے بستر پر آئے تو کہے : اے اللہ ! تو نے میری جان پیدا کی تو ہی اسے موت دے گا تیرے لیے ہی اس کا جینا اور مرنا ہے اے اللہ ! اگر تو اسے ماردے تو اس کی بخشش کرنا اور اگر اسے زندہ رکھا تو اس کی حفاظت کرنا اے اللہ ! میں تجھ سے عافیت کا سوال کرتا ہوں کسی نے ان سے کہا : کیا حضرت عمر (رض) یوں کہا کرتے تھے ؟ تو انھوں نے کہا : بلکہ اس نے کہا ہے جو حضرت عمر (رض) سے افضل ہیں یعنی رسول اللہ (صلی اللہ علیہ وآلہ وسلم)۔ رواہ ابن جریر