কানযুল উম্মাল (উর্দু)

12349 اے لوگو ! کونسا مہینہ زیادہ حرمت والا ہے، تو صحابہ کرام (رض) نے عرض کیا کہ : یہ (ذوالحجہ کا مہینہ) تو آپ (صلی اللہ علیہ وآلہ وسلم) نے ارشاد فرمایا کہ اے لوگو ! پھر کونسا شہر زیادہ حرمت والا ہے ؟ صحابہ (رض) نے عرض کیا کہ : یہ (یعنی مکہ سب سے زیادہ محترم ہے) تو آپ (صلی اللہ علیہ وآلہ وسلم) نے ارشاد فرمایا کہ : بیشک تمہارے خون اور تمہارے مال اور تمہاری آبرو تم پر ایسی ہی حرام ومحترم ہیں جیسے کہ تمہارے اس دن (عرفہ) میں، تمہارے اس مہینہ (ذوالحجہ) میں اور تمہارے اس شہر (مکہ) میں اس دن تک جس دن میں تم اپنے رب سے ملاقات کرو گے (قیامت تک) حرام ہیں۔ یعنی جیسے تم قتل و قتال اور لوٹ مار کو اس دن، اس مہینہ اور اس شہر میں حرام جانتے ہو اسی طرح یہ چیزیں تم پر قیامت تک کے لیے محترم ہیں، رواہ البزار عن وابصۃ۔