কানযুল উম্মাল (উর্দু)

9952 ۔۔۔ مطر الوراق فرماتے ہیں کہ حضرت عثمان (رض) حج کے لیے تشریف لائے، جب حج مکمل کرچکے تو طائف میں اپنی زمین پر آئے، وہاں ان کی زمین کے پہلو میں بھی ایک زمین تھی، حضرت نے وہ ٹکڑا خریدنا چاہا تو اس کے مالک سے دس ہزار قیمت ٹھہری، چنانچہ جب حضرت عثمان (رض) نے اپنا پیر رکاب میں رکھا تو جناب نبی کریم (صلی اللہ علیہ وآلہ وسلم) کے اصحاب میں سے ایک صاحب کی طرف متوجہ ہو کر فرمایا کہ کیا آپ نے سنا جو نبی کریم (صلی اللہ علیہ وآلہ وسلم) نے فرمایا تھا کہ اللہ تعالیٰ رحم فرمائے اس شخص پر جو بیچتے وقت درگزر سے کام لیتا ہے، خریدتے وقت درگزر سے کام لیتا ہے فیصلہ کرتے وقت درگزر سے کام لیتا ہے، فیصلہ چاہتے ہیں وقت درگزر سے کام لیتا ہے ؟ تو ان صاحب نے کہا جی ہاں، تو حضرت عثمان (رض) نے فرمایا، اس آدمی کو میرے پاس لاؤ، پھر اس کو دس ہزار دئیے اور زمین لے لی “۔ (ابن راھویہ)

فائدہ :۔۔۔ یہ اور اس سے پہلی دونوں روایات اصل ہیں لیکن اختلاف طرق کی بناء پر ایک دوسرے کی تائید کرتی ہیں، جیسا کہ علامہ ابن حجر نے فرمایا ہے۔